الحب في الله
 

الحب في الله


قال : إني أحبك في الله

قلت : أحبك الذي أحبتني فيه ، بس مانا عارف

قال : عارف إيه ؟

قلت : إنك بتحبني في الله

https://lh4.ggpht.com/akamal3/SC4FUtO...umb%5B9%5D.jpg

قال باسما : طيب و عرفت إزاي ؟

قلت : لأني أنا كمان أحبك في الله

قال : و هو شرط ؟

قلت : إنت ماتعرفش إن الحب في الله ده معجزة من ربنا ، و إنه من علامات وجوده سبحانه و تعالى ؟

قال : لأ اشرحها لي دي

قلت : شوف يا سيدي من نعم الله سبحانه و تعالى إنه يجعل القلوب المتحابه فيه تتبادل الحب ده و ميتغيرش فيها ، فتلاقي الي انت بتحبه في الله بيحبك برضه حتى لو لسة متعرفين حالا .

قال : قصدك إيه إنه يخلي الحب مايتغيرش في قلوبهم ؟

قلت : جميع أنواع الحب بتكون مرتبطة بحاجات طارئة و متغيرة إلا الحب في الله ، يعني الي بيحب عشان الجمال حبه يتغير مع الأيام لأن الجمال بيروح ، و الي بيحب عشان الصحبة حبه يتغير مع البعد ، و هكذا ، لكن الي بيحب في الله حبه يفضل ثابت لأنه مرتبط برب العرش .

قال : انت عندك حق فعلا ، يعني إحنا مثلا مش بنتقابل غير نادرا ، و لا حتى بنتكلم في التليفون غير كل كام شهر ، و مع ذلك دايما لما نتكلم أحس إننا كنا لسه مع بعض ، مش باحس بالجفوة و التغيير زي ما باحس مع ناس تانية ..

قلت : و أنا دايما أفتكرك لما أدعو لإخواني و أحبائي في الله .

قال : سبحان الله ، أنا كمان نفس الشئ ، يا أخي الحمد لله على نعمه الظاهرة و الباطنة ، و ربنا يديم الحب ده بيننا ، لكن انت عرفت الحاجات القيمة دي منين ؟

قلت ضاحكا : صلي على النبي .. أنا مرة قلت لواحد عزيز قوي على قلبي إني أحبك في الله فقال لي : أحبك الذي أحبتني فيه ، بس مانا عارف .. فقلت له عارف إيه ؟ .. قال لي عارف إنك بتحبني .......

منقول من مدونة رحايا العمر

رد: الحب في الله
 

إهداء الى أختي في الله ....الاوركيدة

جعلنا الله من السبعة الذين يظلهم في ظله يوم لا ظل الا ظله......آمين

رد: الحب في الله
 

مشكورة

رد: الحب في الله
 

بارك الله فيكي

رد: الحب في الله