ازياء - فساتين سهرة و مكياج و طبخ - لو بيدي احطك وسط العيون

السلام عليكم
اليوم جبت لكم خاطره طويله اعجبتني فحبيت احطها لكم

تدري إنك حياتي .. و حبي .. و عالمي .. و الكون !!
أنا مو بس أحبك ..
أنا مو بس أعشقك ...
أنا فيك مجنون !!!

تدري ؟

لو بيدي ما تعيشين بذا الكون ..
لو بيدي أحطك وسط العيون ..
لو بيدي ما تطأ أقدامك هالأرض ..
لو بيدي أشيلك براحة إيديني ..
و أوصلك مشاويرك وين ما تكون ...!!
و أبني لك بيت من الحنان و الضلوع ...
و أشيل عنك الهم .. و أمسح عن خدك هالدموع ..
و أخلي حياتك كلها فرح و سعادة و شجون ...

تدري ؟؟؟

إني أحسد الي معك يجلسون ..
و أحسد إخوانك و أهلك ..
و أحسد الملابس الي تضمك ..
و أحسد الضحكة الي ترتسم فوق فمك ..
حتى بوقت الحزن
أحسد الدمعة لطاحت فوق خدك ..

تدري ؟؟؟

لازم كل الناس يدرون
من تكون و من أكون ؟!!!
لازم يدرون إنك أجمل ما في الكون !!!
لأنهم لمستواك ما يوصلون .. حتى لو يحاولون .. و لو يجتمعون .. ما بيقدرون
ليه ؟!!!
لأنهم ما يساون شعرة من العيون ...

إنت

قمر .. إنت ملاك ... إنت لؤلؤ مكنون..
إنت أمير تأمر و أقول يا عون ..
إنت الوحيد الي علي تمون ..
اطلب القلب مني و الروح و العيون ..
كلي فداك .. كل شيء لأجلك يهون ..

أما أنا ؟!!!.

فأنا إنسان ما يعشق بعقل ..
يعشق بجنون !!
إنسان يموت فيك ..
ويوعدك ما يخون !!
إنسان يحبك حب الأطفال ..
شفت الأطفال لا حبوا ويش يسون ؟؟؟
لا فارقوا الي يحبونهم
يب.....ك ون ...

و لا لقوا الي يحبونهم

يفرح.... ون ...

و لا تولعوا بشيء

ما يتنازل....ون ...لازم
تدري إنك حياتي .. و حبي .. و عالمي .. و الكون
إنت بالنسبة لي نظر العيون ..
و أنا من دونك ويش أكون ؟؟؟