ازياء - فساتين سهرة و مكياج و طبخ - ب10 جنيه تزوجت أجمل وأغنى وأطيب زوج .. يالى نفسك تتزوجى بسرعه تعالى خدى السر منى.......

السلام عليكم ورحمة الله وبركاته

https://fashion.azyya.com/images/icon...0901155400.gif

هذا الكلام منقول عن لسان صاحبة القصة الحقيقية ونقلته لكم لكى يستفيد الجميع منه ومن يقرأه ارجو ان يدعى لى بالزوج الصالح انا واختى عاشقة الفردوس وجميع بنات المسلمين

بدايه ....... وقسما بالله كل الى حقوله حقيقى ومش بكتب القصة دى لأى غرض غير انى أشكر ربنا وأدل كل بنت نفسها تتزوج أو يكون عندها أطفال أو مريضة أو أى واحدة بتمنى حاجة ونفسها تحققها على السر ده

المهم
انا طالبة كنت بدرس فى معهد
شكلى مقبول قولوا متوسطة الجمال واهلى على قد حالهم

فكنت نفسى يبقالى زوج كويس متدين وقسما بالله كنت هرضى بأى حد حتى لو شغال ايه حتى او مش لاقى يأكل ومتدين كنت هوافق عليه

وفى يوم سمعت قصص اسفه مش قصص دى معجزات حصلت بفضل الصدقة

فقررت انى وانا رايحه معهدى اى حد يقابلنى فقير فى السكة اديله ربع جنيه نصف جنيه بالكتير قوى جنيه
مش لكل واحد
لا لا لا دا أنا بتصدق بربع جنيه واحد بس فى اليوم كله
وفى مرة والله العظيم مكان معايا فكه الا 10 قروش اديتهم لطفل فقير اهو يجيب بيهم رغيف عيش
متستغربوش على قد حالى لكن مين عارف ال10 قروش او الربع جنيه ده عند ربنا أيه

وكل أما اتصدق بالربع أو النصف جنيه أدعى ان ربنا يرزقنى بزوج صالح عاجلا غير أجلا
لأنى سمعت ان الدعاء بعد الصدقة مستجاب
لأن ربنا بيحب الصدقة قوى
عارفين لما بحسب الى تصدقت بهم اياميها مابيكمولوش ال10 جنيه

تخيلوا ايه الى حصل
وقسما بالله العلى العظيم ماهى الا أيام
واتقدم لى شاب من بلدنا عربيته سدت الشارع من كبرحجمها وفخمتها تسوى نصف مليون جنيه ومتدين بمعنى الكلمة أما جماله اقول ايه بس دا كأنه ملاك نازل من السما لاتقولوا مهند ولا مش عارفه ايه

حاسه انكم مش مصدقين وصفى له لكن وقسما بالله انا مابكدبش عليكى

المهم
دخل بيتنا وبيتنا على قد حالنا والدى موظف غلبان على قد حاله وانا بنت متوسطة الجمال ولامعايا شهادة عاليه ولافى كلية قمة ولاحاجة

كنت بقول بقا معقول يوافق عليا
قلت توكلت على الله بسم الله ودخلت
عارفين اول ماشفتنى قال ماشاء الله لاقوة الا بالله وقسما بالله العلى العظيم وقبل مايمشى قال لوالدى طلباتكم ايه
تخيلوا ودى أول مرة يشوفنى
اتبهر بيا مع انى لاكنت متمكيجة كنت حاطه زبدة كاكاو بس وكريم مرطب وزى ماقلتلكم انا شكلى مقبول بس
مش جميله ولاحاجة
وانا بالنسبه له فى الجمال ولاحاجة
لكن الى كان مطمنى ثقتى بالله لانى سمعت شيخ بيقول
((انتى فاكره جوزك لما اتقدملك واتجوزك انه اتجوزك علشان انتى اجمل واحدة شافها ؟؟؟؟ لالا لا
دا اتجوزك علشان ربنا خد بناصيته وقلبه إليكى ))
الشيخ قال كمان
(( لو عايزه جوزك او حد تتمنيه يرجعلك قومى باليل لى ركعتين وقولى هتهولى يارب رجعهولى وربنا هيرجعهولك ))
لجأت لربنا اكتر واتصدقت واستغفرت كتير وصليت قيام اليل والفجر حاضر وطبعا انا بصلى الفجر دايما حاضر
وتم كل شىء سريعا ومن يومها والله ماسمعتش منه كلمة جرحت كرامى

ممكن بنت تقول وايه يعنى عادى ممكن تحصل لاى بنت
بس انتى خدتى بالك انا بقولك بنت فقيره معها معهد بسيط والدها رجل غلبان
اتقدم لها واحد معاه كليه قمة من اثرياء البلد متدين جماله مافيش زيه عمره ماجرحنى
ده طبيعى ؟؟؟؟؟؟؟
اه طبيعى بس عارفه امته
لو عملتى الى الشيخ قال عليه
لم تلجأى لله وتستغفرى كتير وتصدقى وتقومى تصلى ركعتين والناس نيام وتدعى كل الى بتمنيه هيتحقق

وبقول لكل بنت اتاخرت فى الجواز خدى بالك ممكن تكونى بتعملى معصيه مانعه عنك رزق الله
ممكن تكونى بتكلمى ولد على انه صحبك
ماينفعش
ربنا قال عن فات المؤمنات <ولامتخذات أخدان> اى مالهمش اصدقاء (شباب طبعا)
والرسول قال
<<إن العبد ليحرم الرزق بذنب يصيبه>>
والزواج ده رزق
ممكن تكونى متنمصه او بتزعلى امك او ابوكى
اى معيه انتى ممكن تقولى عليه غير قد تكون كبيرة
(وتحسبونه هينا وهو عند الله عظيم)

واخيرا احمد الله على فضله عمرى ملجأت إليه فى الثلث الاخير من اليل الا وحققلى الخير وصرف عنى الشر
وعايزه اقولكم كمان الدعاء بيرد القضاء تخيلوا وده ورد فى حديث صحيح مش عايزه اطول

شوفتوا ياجماعه انا تصدقت بإيه وربنا عوضنى بمال كتير الحمد لله

واخيرا اسالكم الدعاء بأن ربنا يتم عليا نعمته ويرزقنى بالذرية الصالحه واكون سعيده دايما ويكفينى شر المصائب ويسترنى أنا وجميع المسلمات

احبكن فى الله

ياريت تقيموا موضوعى علشان الكل يستفاد

لا تنسونى من صالح دعائكم

https://ube.azyya.com/uploads/10011222572496.gif