مرحبا بنات بدى مساعده ارجوكم لا تتخلو عنى دلونى اعمل ايه
 

ازيكم يا بنات كل سنه وانتوا طيبين ويارب يكون عيد سعيد عليكم
بصو يا بنات انا مخطوبه و انا وخطيبى مخطوبين عن حب وبيحبنىى كتير وانا كمان
مشكلتى هي ان بحس خطيبى حريص هوا مش بخيل اوى بس حريص وليه تصرفات تضايق كتير وصلت اهلى انهم يقولوى هوا ايده ماسكه وقوليلى يفك ايده شويه مع العلم انوا مرتبه حلو كا انسان مبتدىء 4500 جنيه مصرى
بدايه معرفته ماكان يدفعلى موصلاتى واحنا زملاء الا قليل وانا اصلا ما كنت بوافق قلت يمكن دا طبيعى زملاء وبعد ما اتخطبنا استمر على الوضع ده لحد ما حكيت لامه لفت نظره غير ان ابدا ما عزمنى على الغدا الا اذا كان الغدا بلاش
فى الزيارات الاولى كان يجيب مع حاجه فى ايده وهوا جاى وبرمضان
وبعد كده ما بقى يجيب اى حاجه للبيت عندنا من بعدها الا بالعيد يدينى عيديه وبس ومايجبش حاجه للبيت
كمان هداياه مره رخيصه يعنى بعيد ميلاى جابلى هديه ما تتعدى ال 75 جنيه وهدايا اخرى بسيطه جدا على مناسبات مختلفه ولكن مش غاليه ابدا وانا بعيد ميلاده كنت بدى اجيبله ساعه ماركه بس قلت ممكن تحرجوا لانها بتكون غاليه ومعديه ال 1000 واكتر جبتله برفان ب 550 جنيه وعزمته على الغدا يعنى اتكلفت حوالى 700 جنيه غير الهدايا الاخرى فى المناسبات العاديه
غير ان لبسه مش شيك خالص واهلى بيقولوى يعنى ايه عاجبك فيه ولا لبس ولا كرم ولا طباع
حتى بالعيد اهلو بعتولنا حته لحمه انقهرت لما شفتها معظمها دهن وربع بس لحم وقلت لامى يمكن الاضحيه ما كان فيها لحم وامى انقهرت وقالتلى الشخص دا ما يناسبك وبكيت ورجعت تانى قالتلى ما تزعلى منى انا مش بقول انه مش كويس بس الى بيعمله ميصحش ابدا لازم تلفتى نظره على لبسه قلتلها يا امى انا متضايقه من كل ده بس مش عارفه ارفضه ولا ايه خايفه يكون حرام انه مثلا ممكن يكون حريص ومبيصرفش فلوسه على تفاهات وربنا يعاقبنى على كدا
دلونى يا بنات انا محتاره كتير ومش عارف اعمل ايه

رد: مرحبا بنات بدى مساعده ارجوكم لا تتخلو عنى دلونى اعمل ايه
 

بصي حبيبتي انتي مكن تفتحي معاه الموضوع وتقوليلة بس بساطة

وبجد ربنا معاكي

رد: مرحبا بنات بدى مساعده ارجوكم لا تتخلو عنى دلونى اعمل ايه
 

اختى اتكلمت معاه بعيد ميلادى وزعلت كتير من الهديه لكن ما اتكلمت معاه لانها هديه وجه ذوقه لكن اتكلمت معاه انه ما احتفل بيا ولا جاب ولا شىء قالى انا ما قصرت فى اى شىء وعمرى ما فوت مناسبه الا جيت وجبت حاجات للبيت طبعا ما قدرتش اتكلم لانى مش عايزه احرجه واقوله ما بتجبش حاجه
كمان اهلى حاسين انه مش مزوق ومبيعرفش يتكلم كويس ومش بقوا يحبوه وبيقولوا انه مش بيعمل اى شىء علشان يحبهم فيه وفاكر نفسه حاجه انان تعبانه اوى وعارفه انه بيحبنى كتير وما بيقدر يبعد عنى بس دا طبع ما بيغيرش
بجعى ربنا كل يوم وبعمل استخاره تعبت ارجوكم قولولى اعمل ايه :(

رد: مرحبا بنات بدى مساعده ارجوكم لا تتخلو عنى دلونى اعمل ايه
 

ما يكون الا خير حبيبتي بالاول حافظي على عباداتك و صلاة الاستخارة و بالتاني خطيبك و انتي بتعرفيه احسن مننا يعني لازم تاخذي كلامنا كفكرة مو شرط تتقيدن فيها الاول لازم حبيبتي تسمعي لامك و لاخوانك الي عندهم خبرة في هذا المجال لان فيه رجال كتير مايعرفوا يعبروا عن حبهم فمنهم الرومانسي الي يجيب هدايا و متالق و ذوق و منهم الظروف ماسمحتلهم انو يكونون ذوق فبالنسبة للهدايا فعندي قريبات يشتكون لامي من ازواجهم مثلا بنت خالتي تزوجت ليها 4 اشهر تقولها هو مايحبنيش تقولها امي ليه ترد عليها انو مايجيبلهاش هدايا يعني مو عذر ابدا لان الزوج على ماعودتيه راح تلاقين نتيجة و بالنسبة للبخل فالرجال اغلبهم لا يعرف لا يتصرف و لا يسرف و لا ولا و لا اغلبهم ماعندهم لاذوق و لا حسن في تدبير و صرف الاموال فلا تاخذي بالمشكلة الكبيرة انتي ماعليكي الا تهديه هدايا تبينيلو انك متضايقة شوي بس مو بالكلام و تخليه يتعود على ذلك من الخطوبة


و انا الي اعرفو بصراحة و احترامي ليكي ان الي يحب يرضى بالمحب لاينتظر منو هدية و لا شي فدايما لازم تحسني الظن بالناس فلما قلتي عن موضوع الحمة كان تفكري ربما صدقوا جزء كبير منو ربما ليهم جيران و اقارب كثار فلازم تحاولي معاه لان الرجل طفل كبير


اتمنى تتقبلين نصيحتي و موفقة باذن الله

رد: مرحبا بنات بدى مساعده ارجوكم لا تتخلو عنى دلونى اعمل ايه
 

اختى كلامك صحيح لكن الانسان الكريم يبان من تصرفاته الموضوع مش بس موضوع هدايا يعنى فى تصرفات من الاصول تتعمل وعيب انو ميعملهاش واى حد احكيلوا يقولى دى قله ذوق ازاى يسيبك تدفعى موصلاتك وانتى معاه وتدفعى حساب اكلك وانتى معاه غير ان اهلى يقولوى ما يفكرش يجيب اى شىء معاه وهوا جاى البيت وكمان اسلوبوا بالكلام مش حلو وحاد والى يحب واحده بيبقى عايز يخلى اهلها يحبوه ويعاملهم كويس ويسأل عليهم وهوا ما بيسأل عليهم الا فى المناسبات لكن انا بسأل عليهم دائما وابى يقولى ليه ما يجبش ملابس تليق بيه و بمستواه وحتى يلبسهم وهوا جايلك علشان شكله يكون حلو ابى اصلا ما يفرق معاه موضوع الفلوس والبخل وشايف ان ده كله عادى لكن اتضايق كتير من اسلوب كلامه ولبسه