ازياء - فساتين سهرة و مكياج و طبخ - بنات الله اخلي لكم عيالكم و ريايلكم ساعدوني تكفون و لكم مني دعوتاي

حبيبتى انتى اكيد طبعا خلصتوا السيراميك والدهانات والاشياء دى صح نبدأ بالاشياء التانيه
اولا تروحى تشترى اثاثات بيتك اولا غرفة النوم الاساسيه والصالون الاساسى وتفرشى الصاله وتروحى تشترى المطبخ اللى هو الخشب او الالوميتال او اى نوع وتشترى الغرف التانيه اذا كانت غرفة نوم اطفال او انتريه
المهم تشترى الاثاث الخشب كله الاول
اما بالنسبه لادوات المطبخ هاقولك على اللى انا جبته لانى ان شاء الله زواجى قريب
انا اشتريت 30 قميص نوم بيختلف من طويل الى قصير وارواب بس ممكن ازود شوية ارواب واشتريت 30 بيجامه وترنج
و20عبايه للاستقبال والبيت برده واشتريت 15قميص شقه وفساتين قصيره يعنى قمصان شقه دلوعه شويه واطقم الخروج على حسب انتى ماتشترى مالهاش عدد معين
بالنسبه لادوات المطبخ فأنا اشتريت طقم حلل تيفال وطقم حلل بيركس وطقم حلل استانلس ستيل
بلاش الالومنيوم علشان مش مفيد
واشترى بولات اللى بتجهزى فيها الاكل واشترى الخلاط المتكامل كيتشن ماشين
واشترى الفرن الكهربائى او المايكرويف واشترى البوتاجاز طبعا احنا عندنا احسن الانواع يونيفيرسال او تكنوجاز وجيبى العجانه ماعرفش عندكم اسمها ايه بس الخلاط اللى بتعجنى فيه واشترى دورق اللى بتحطى فيه الميه اللى بيكون عليه التدريجات 100مل و50مل الخ
واشترى التلاجه طبعا واشترى صينية الكيكه باشكالها واشترى صوانى اللى بتعملى فيهاصينية البطاطس والمكرونه اشترى 3 صوانى باحجام مختلفه واشترى شنطة سكاكين وشنطة معالق بحيث ترتاحى من العدد واللف على الانواع
واشترى 6 كوب ماء للمطبخ يعنى لشرب الماء و12 مج وظبطى الاشياء الرفيعه اللى بتبقى فى المطبخ دى
واشترى المكواه والترابيزه بتاعتها واشترى طقم الصينى الكبير واشترى طقم البيركسال الاطباق والصوانى الحراريه منه واشترى كام طقم كاسات تحف للتزين بس ماتكتريش علشان كل شويه بتطلع موضه احسن وبعد ماتفرشى كل شئ انزلى اشترى التحف والورد علشان تعرفى كل مكان محتاج لتحفه او فازه يعنى بعد الفرش هتقدرى تظبطى التحف زى ماقلت لك وان شاء الله اكون افادتك انا قلت لك كل اللى انا فاكراه من حاجتى بس برده انا مش عارفه الحاجات دى كتيره عندكم ولا لاه علشان احنا عندنا فى مصر الحاجات اللى عديتها دى كلها مش كتيره اوى يعنى متوسطه انا اسفه على الاطاله وربنا يسعدك ياقمر يارب