ازياء - فساتين سهرة و مكياج و طبخ

ساعتي حلّت طباعة أرسل لصديق

الشاعر : أحمد الصانع

صدّيت عنّك ، لأنْهَا ساعتي : حلَّت
أروح ، وفي خاطري أبقى | مع عمري |.

والله أحبك .. وعيني منْك . . ماملَّت
ومن كثر ما أقابلك خايف ، على قدري !

"أودّعِك" في يَدَي ، وعيوني بك "هلَّت" !
أشياء تطري عليّ . . . وأشياء ماتطري

الدمعه [ سيفٍ ] جُبرها الوقت وإنسلَّت
أصبر . . وأجْمَع قُواي وينكِسِر صبري

مصدوم منّي ! غريبه ، عيني إبتلَّت !!
ويّاك حتى ( دموعي ) مو على خبري

ل أشْواق ، ماقصّرَت فيني ، ولا خلَّت :
القلب يبقى مكانه في [ قفص صدري ]

عنّك ، أصِد بْ سلام .. ورِجلي إنشلَّت
وشلون لا كنت تطعن من ورى ظهري

غلاي لك .. مشكله للحين ما إنحلَّت ،
قلبي يحبك و كل إحساسي و شعري

محبتي لك ، كثير - تزيد ... ما قلَّت
وكل ما أشوفك ألاقي بْ طلّتِك ، عِذري

( وَلْ ) يافراقك ، حياتي شوفها : ولَّت !
من غيرك أيّام عمري ماهي من عمري