|
تعالوا شوفوا تعليقات الريايل
السلام عليكم شلونكم شوفوا شنو وصلني اليوم بالايميل ومت ضحك وقلت خل اضحكم شوي واغير جوكم الكويتي إذا ما قط تعليق مني وإلا مناك يمرض اقروا المواقف و ضحكوا كثر ما تبون ****************************** ******************** ****************************** ******************** ****************************** **************** تعرفون اغنيه (آدم) اللي اسمها كيفك انت..!! شفتو بالفيديو كليب البنت لما كان نايم جان تقعد تناقز بالفراش عشان تقعده والذرب بكل رومانسيه فتح عيونه والابتسامه شاقه الحلج رفيجتي يعني طالعه فيها بتسوي نفس الحركه بزوجها يوم كان نايم عاد بنت الحلال بطبوطه..تقول كشخت وقعدت اناقز بالفراش توقعون لما فتح عيونه زوجها شقال!!!!!!!!!!!!!!!!!!!! انثبري لا اصفقج بالأباجورة هههههههههههههههههه ***** كنت حامل بالخامس وعندي استقبال فمسويه شعري ومكياجي بمس ون ولبست بدله مع شال كبير غطيت فيه بطني المهم لما رحت الاستقبال يتني وحده سلمت علي وسألتني انتي العروس؟؟؟؟ عاد انا طرت من الفرحه ورحت سيده دقيت على ابو الشباب وقلت له تدرون شقالي قالي خوش عروس حامل حشا صبوحه خطبها نصيب !!!!!! ***** بقولكم موقف موتني من الضحك على ريلي مرة انا كنت حاطة كحل ابيض على عيوني جان يقولي انتي ما تغسلين ويهج من الصبح ليش هالغمص بعيونج ابذمتكم مو احباط ّ!!!!!!!!!! ***** مره كنت شاريه كريم حق الايدين على ريحه ليمون يبيض و ينعم عاد ذاك اليوم حاطته بالليل ودشيت فراشي ,,, ماشوف الا هاللي يشمشم شفيك شصاير الا هاللي يقول ماجني داش غرفة النوم جني داش الفرضه (شبرة الخضره) لول>>> ***** مره قعدت من النوم مبجر وقلت خل اقعدة من النوم بنعومة جان اقوله باذنه احبك تدرون شنو رد على ؟؟ قالي حبيني بعدين بنام الحين ***** واي انه تنبط جبدي من ريلي لمن اكون معزومه مكان وبسوي بف بشعري ويوقف يمي يسولف ويشوفني اكش شعري عشان البف يقولي حبيبتي اشفيج عسى ما استخفيتي اوديج يقرون عليج ويفشلني لمن نروح محل ألعاب او مكان فيه العاب حق اليهال اقوله خل ناخذ هذي اللعبة حلوه عشان ولدنا يتعلم جذي وجذي .. يقولي جدام اللي يبيع او اللي تبيع خلصيني قولي انج تبين تلعبين فيها هههههههههههههههه وأعرف وحده سوت جو رومانسي حق ريلها يايه بتدلعه .. حطت له شموع بالدار وتقول لمن دش سوالها حركة البوذه ... يقولها داشين معبد بوذه احنا جذي مسويه واي دفشين ***** الله يسلمكم انا يعني اسكت امسوي ليله وقايمه ماخذه هذيل الليتات من بو100 وقاصتهم لونهم وردي نفس داري وامنثرتهم بالغرفه وامسكره الليتات وانا لابسه لبس فرعوني ايهبل ولابسه باروكه نفس مالت الفراعه وخاطه الكحله واقولكم حاله وقاعده على الكرسي الهزاز انطره المهم سمعت الباب رحت اركض وانخش ورى الباب فتح الباب لقى الدار فيها شي فسفوري يلمع على الغرفه كلها ولقى الكرسي الهزاز يتحرك ابروحه لاني قمت ابسرعه يناديني وانا ساكته دخل وسكر الباب ولا انا وراه وينقز نقزه من الخرعه بغى يوقف قلبه جان يقولي يما جنج كليوباترا هههههههههههههههههههههههههههههه ه حبيبي وعليه اخترع ماتسوى عليه ***** انا وايد ريلي يعلق كله تعليقات احباط بس مو ذاكره شي معين الا يمكن الي كنت مزينه الغرفه بالشموع وموسيقى هاديه دش الغرفه والا يقول بسم الله الرحمن الرحيم شنو بتحضظرين ارواح ***** كنت صابغه شعري بلياج وكانت اول مره اصبغه وريلي ما يحب الالوان الفاتحه يحب الشعر الغامج انزين وعاد طالعه من الاربعين وكاشخه وضعفانه وشعر الكل يقول لي جنج باربيه الحين انا خايفه من ردت فعل ريلي واول ماشاف شعري ولا يقول وع شنو هذا جنه بلاليط امبي كان ودي اروح لاي صالون اغير الون مع اني صابغته بشيء وشويات قلت عاد لازم احلل فلوسه لول ومامر ثلاث اشهر وغيرت اللون ومره كنت لابسه تراجي المدورين وحيل كبار واول ماشافه ولا يقول بسم الله شنو هالتراجي اسد بيمر منهم؟؟ ومره كنت شاريه صندل يهبل وسعره 35 دينار ولا اقول له شرايك؟ ولا يقول شاريته حق الخدامه؟ ولا اطالعه جذي سكت ولا اعطيه صج الخدامه من الحرره ولا يقول لي بعدين اتغشمر معاج حلو من صج انتي حزته بغيت اذبحه ***** اما عن نفسي لما كنت حامل ما ادري شسوي بعمري خبركم الحامل اي شي تلبس تحس ان مو حلو عليها المهم مرة من المرات كنت لابسة قميص نوم قصير لون ابيض وكنت داقة عليه ولا اهو ياي بالطريج يعني ما يمديني اسوي شعري عاد تدرون فيني اموت عالبواريك جان اللبس باروكة شقرا مايلة على البياض اشوي واحط مكياج العين ناعم مع حمرة لون احمر ولا بعد رازة عمري وقاعدة بالصالة اول مادخل جان ينقز نقزة يقول والله عبالي ينية قممة الاحباط عاد حدي مو ناقصة وانا حامل بس تبون الصراحة شكله كان صج مخترع هههههههههههههههههههههه ***** انا مرة كنت لابسة قميص نوم طويل اللي يصير كأنه فستان سهرة المهم رافعة شعري وحاطة المكياج ولابسة اكسسوار ولبست عزكم الله الجوتي الكعب ولا الحبيب يقول لي بكل براءة: ها بتطلعين وين بتروحين؟ واي انا لابسه قميص وامطلعه (...) وشسمونه واهو يقول لي وين بتروحين ***** مرة علق على بيجامه شاريتها من لاسنزا قالي :- خبازنا مضيع سرواله اليوم أثاريه عندك .. طبعا احتريت منه قلتله صج مو كفو شاريتها ب15 وتعلق عليها بعد وصرت اعانده البسها دايم علقت عليها شسوي احب اعانده ***** شريت بجامه مقلمه من بي اش اس... ما وعيت إلا ريلي يقول لبنتي شوفي هالشرشف شنو يشبهه بالغرفه ؟؟ لا وأنا رازه ويهي وأقول الفوطه جان يقول : لا وإهي تقول ويه المخده جان يقولها يقولها : لا عيزنا وإحنا ندور .... جان يقولها شوفي صروال أمج الدفش ما يعرف حتى يقول بنطرون أمج وإلا بجامتها والله عقبها حرمت أشتري شيء مقلم والسبه أهو ***** أحب قبل لا أنام أحط حمره ... كل ما شافني حاطه حمره قال وليه حطت ديرمانه كح كح يسمي الحمره ديرم ******** مره رفيجتي تقول لابسه شورت ولونه أزرق وفيه خط أبيض تقول لمن شافني ريلي قالي أيوه أيوه العنبري ...يعطيها لجاسم يعقوب وقول زاهبين حق التعليقات منقول |
رد: تعالوا شوفوا تعليقات الريايل
وين التعليقات اشدعوة ولا رد 35 مشاهدة ولارد عالعموم شكرا لمشهدتكم الكريمة |
رد: تعالوا شوفوا تعليقات الريايل
هههههههههههههههه
يسلمو بس الصراحه في كلمات ما فهمتها مشكوره |
رد: تعالوا شوفوا تعليقات الريايل
هههههههههههههههههههههههه
وانا كمان في اشياء مافهمتها يسلمو |
رد: تعالوا شوفوا تعليقات الريايل
مشكوره
|
| الساعة الآن توقيت السعودية الرياض و الدمام و القصيم و جدة 12:01 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.