ازياء - فساتين سهرة و مكياج و طبخ - تعالوا شوفوا المفاجاه

مبارح بالليل مرت أخوي ولدت و جابت أحلى بنوتة و سموها سارة
بس المفاجأة انها ولدت بالبيت و ماما ولدتها!
الطلق ابتدأ معها عالساعة 11:30 الصبح و لما راحت عالمستشفى حكولها انها مطولة كتير
يمكن لتاني يوم لما تولد و نصحوها انها تروح عالبيت و ترجع لما يصير بين كل طلقة و التانية 5 دقايق
يعني دكتورتها هي اللي روحتها
و هي كانت متوقعة تطول بالولادة لإنو بولادتها الأولى أخدت اكتر من 24 ساعة طلق و نامت بالمستشفى ليلتين لحتى ولدت

و طول اليوم كان الوجع خفيف و محتمل و ضلت تحسب 10 دقايق بين الطلقات
طبعا ماما دكتورة أمومة و طفولة و كانت تتابع معها الوضع
و ما كان مبين انو ولادتها قربت
و فجأة باليل عالساعة 11 صرخت و نادت ماما و لما شافت كان الراس تقريبا طلع!
يعني اللي صار التوسع صار بسرعة يمكن بأقل من ساعة سبحان الله
ما كان في مجال تروح عالمستشفى عشان هيك ماما ولدتها بغرفتها بسرعة
حتى ماما ما لحقت تلبس كفوف و حتى مقص ما كان في عشان يقصوا الحبل السري
ماما اضطرت تقص الحبل السري بسكين غسلتو بمي مغلية
و ربطت الحبل السرب بشاش لإنو ما لقت اشي تني تربطو فيو
طبعا الوضع كان خطير لإنو ما كان في تعقيم
المهم الحمدلله الولادة تمت على خير و بعد الولادة ب 20 دقيقة اجت سيارة الإسعاف و فيها طاقم متخصص
اجت قابلة ساعدت على انزال المشيمة
و فحصوا البيبي و بعدين أخدوا الأم و البنوتة عالمستشفى و حطوهم تحت المراقبة بس الحمدلله وضعهم كويس
حبيت أحكيلكم عشان تنتبهوا
يعني الحمدلله ماما دكتورة و قدرت تولدها
بس شو كان صار لو ما في حدا بعرف يولد؟
و لو صار في مضاعفات لأم أو للبي عند الولادة؟
انتبهوا على حالكم و خليكم في المستشفى أحسن عند الولادة حتى لو الولادة مطولة
لإني كتير بسمع بالمنتدى قصص انو الست بتكون قربت ولادتها و بتروح عالبيت ضد رغبة الأطباء و على مسؤوليتها
كتير خطر
منقول بالامانه