ازياء - فساتين سهرة و مكياج و طبخ - كعكة التوست الطبقات باللبنة

المقادير:
2 تونة (تقدرين الاستغناء عنها واستخدام الدجاج مع البهارات)
2شرائح جبن شيدر
2 لبنة
زيتون اسود
ذرة
كيس توست

الطريقة:
تجهزين التونة وتطبخينها بالنار وتحطين ملح والبهارات وتضيفين ملعقتين ذرة وملعقتين زيتون اسود وتبندين النار وتحطين ملعقة مايونيز
الافضل استخدام الدجاج بس انا سويت التونة لسرعه الانتهاء من استوائه
استخدمت نوعين من اللبنة وحده بينار والثانية طعمها حلو فيها حب اسود داخلها ما اعرف شو اسمها الوالده اشترتها تقدرين تستخدمين نوع واحد من اللبنة!
تحطين 2 توست عدال بعض وتدهنينهن باللبنة وتحطين فوقها الحشوة بعدين تغطينها بالتوست مرة ثانية

توزعين الذرة والزيتون الاسود بعد ما تحطين طبقه لبنة

وبعدين تحطين توست مرة وتدهنينها باللبنة وتحطين شرائح الجبن وبعدين تغطينها بتوست مرة ثانية

وبعدين تحطين لبنة وتحطين الحشوة مرة ثانية وتحطين توست!

سويت 5 طبقات

بعدين تغطينها باللبنة كلها

وتيبين كيس كريمة وتحطين اللبنة وتزينين على كيفج انا سويت حركة الشخابيط طلعت روعه

زينها من فوق بزيتون اسود