ازياء - فساتين سهرة و مكياج و طبخ - طريقة عمل بخور الدوسري

بسم الله الرحمن الرحيم

السلام عليكم ورحمة الله وبركاته

طريقة عمل البخور الدوسري لكل الاخوات الي حابين يستفيدون في هذا المنتدا الطيب وخاصه العرايس .

طريقة البخور الدوسري

سعر التكلفة تقريبا: وتكلف بحدود 5000 ألاف

مقادير طلبات البخور الدوسري وسعر الطلبات :

طلبات الخلطة المستعملة من المنزل :

- هاون لدق .
- طشت . او وعاء كبير
- ملقاط.
- سطل أوبرطمان لخلط العطور.
- إناء لتذويب العنبريه في نوع من الطيب .
- صفايه أو منخال لتصفيه التمر .

طلبات المقادير المستعمله مع الاسعار منالسوق

- 4 كيلو من العودة الزينه بحدود 400 او350 ريال تكون ممتازه ,أنتي تدقينه بالبيت بالهاون ثم تطحنينه بمطحانه الهيل ولافضل ان تذهبي به الى المحل لطحنه لان الكميه كبيره جدا.

2- كيلو ظفور وسط بحدود 250ريال واحيانا تلقيه في بعض الملات ب 160 او ب 180 , ينظف وينقع في الماء والملح أو الماء والقرنفل لمده أسبوع كامل .
ويغسل بصابون ساثل لتاكيد نظافته خصوصا انك راح تلاقي قطع من الحم عالقه فيه وهذا نادر .

عطور البخور :

- علبه عطر الحبشوش الوحدة 50 ريال يؤخذ منه 12 حبه .
- 1علبة عطر الصندل الأصلي800 ريال .
- 3علب عطرالورد تنكه سعره 120 ريال حجمها صغير مقدار كف اليد.
- 1 علبة عطر مستكاوي 70 ريال .
- 2علبه عطر ابو جنية 60 ريال .
-1علبه عنبرية سعرها 200ريال ,تجي كيس حجمه مثل كيس الاندومي بالتمام ,تنقع في خلطه العطور .
وهناك عطر اسمه ابو نفره يخلي البخور قمه في الروعه للي حابه تحطه ليس بضروره ( اختياري ) بس ضروري لبخور العروس

طريقه العمل بالتفصيل :

1 -أول شي تشتري مقدار"4 كيلو دقة العودة أو عودة" ليس مطحون كبار صحيح تدقيهابالهاون لين ما تصير ناعمة بس مو مرة ناعمة فيه شويت خشونة وتخلينه على جنب .
2 -بعد كذا تأخذي مقدار"كيلو ونصف من الجاوي"وتدقيه بالهاون لين ما يصير مرة ناعم ناعم وتخلطينه
مع العود المطحون وتحتفظين فيهم بحافظه علىجنب.
- 3 -بعد كذا تأخذي طشت تضعين فيه مقدار ماء والقليل من الملح أو مقدار ماء والقليل قرنفل "المسمار " تنزعين منه الوسخ اللاصق لين ما ينظف. ",لمده أسبوع كامل وكل يومين تغسلينه في صابون السائل وتنظفين الظفورعدل وتشلين منه الأوساخ .
5 -بعد الأسبوع الكامل من نقع الظفورتخذينه وتجففينه وتضعينه بالشمس حتى يجف تماما .
6 -بعدها تأخذين سطل أو برطمان كبيرتخالطين فيه العطور وهي عبارة عن عطر حبشوش 12 علبة , عطر الصندل علبه 1 ,عطر الورد 3 علب وهي عبارة عن تنكة صغيرة قد كف اليد ,1 علبة عطر مستكاوي , 2عطر علبه بو جنية , ويضاف إليهم مقدار" العنبريه اعلبه من العنبريه" حجم الكف .

جميع العطورات المذكوره تسكب في وعاء كبير ( جدر كبير ) مع العنيره المذابه .

نحضرتراب يكون نظيف يحمس فيه الظفور عشان ما يحترق ويحفظ الحرارة ,وبعد الحمس لما تشيلي الظفور بالملقاط انتبهي ما يكون عالق فية تراب ,ويحمس لمده ساعتين على الأقل بنار هاديه

لما نرفعه من على النار نوضعه على طول في مجموعه الطيب .

نخليه في الطيب لمدة اسبوع او اكثر حتى يتشرب بالطيب ثم ناخذه وندقه بالهاون حتى يصير ناعم ثم نسكبه فوق العوده المطحونه .

لما نتهي من كل الضفور الموجوده ناخذ الطيب المتبقي ونسكبه فوق العوده ونقوم بخلطه باليد او بملعقه خشبيه خلطا جيدا الى ان يتجانس .

ثم نحضرمن 1 إلى 2 كيلو من التمر أي نوع , يخلط في 3 لتر ماء لعمل دبس التمر .

نقوم بطبخ التمر لين يفوح ثم نقوم بفرك التمره جيدا حتى يخرج دبسها ثم نقوم بشخل التمر حتى تنفصل الشواب منه ويكون عندي ماده سائله طلقه وليس ثخينه اقوم بخلطها بالعوده المطحونه بقدر المقدار الي بسويه .. ثم اقوم بعمل البخور على شكل دوائر بالحجم الي ارقب به

وعند الانتهاء منه أضعه في مكان متهوي تصل اليه الشمس لكن لاتكون عليه مباشره حتى لايفقد الطيب اضعه لمدةيومين كاملين,وهو يتعرض للهواء ولا تعرضيه للشمس مباشرة حتى لا يخرب -
-13-بعدها عبيه في علب . واحكمي اقلاقه
وهنا يكون جاهز للاستعمال او للبيع

ملاحظه :

-لو إي شي غيرتي بالخلطه أوخذيتي من الرخيص والغير اصلي راح يعدم الخلطة وما راح أحد يأخذها منك يعني لو بدلنا دقة العودة بدقة رخيصة راح تعدم الخلطة وما تعطي ريحة طيبةأو بدلنا الصندل الغالي برخيص أيضا, أو بدلنا الدبس بالسكر يخرب , والصمغ يبس البخور ,مع العلم ان ممكن نستخدم السكر مع الدبس لاكن بكميه قليله جدا جدا جدا لاتذكر

(( ملاحظه مهمه جدا ))
يوجد محل بوادي الدواسر يبيع كل اغراض البخور الاصليه .. ويمدك بجميع طلباتك لين منطقتك بعد ايداع المبلغ .. وهو انسان امين ويخاف الله.

وكذلك سوق لمعيقليه بالرياض..واسم المحل ( العواد ) هو اللي يبع الأشياء هذىوممكن تلاقين عنده الاصلي لاكن حلو تاكدين منه ان كان اصلي او لا
ودمتو بالف خير

المزيد