جهزوها وهي تبكي وترتشف دمع إرتشاف ...
 

https://ube.azyya.com/uploads/10122523090540.gif
جهزوها وهي تبكي وترتشف دمع إرتشاف ...


زينوها وإدفنوها والكفن ثوب الزفاف

غصب عنها زوجوها وسلموها للغريب؟؟



مجبره ماشاوروها قصدهم شرع العفاف

مادروا إن البنيه مغرمه ولها حبيب!!



جهزوها وهي تبكي وترتشف دمع إرتشاف

وخبروها إن موعد الفرح منها (قريب)



مالقت أحد" فهمها وهمها ناظر وشاف

إن حكت باللي سكنهامالقت لها مجيب



وكانها هي وافقتهم جرعوها الزعاف

حالها من فعل أهلها صار محزن ومريب



والحفل قرب وقامت ترتجف خوف إرتجاف

كل يوم تقول باكر الفرج بإذن الرقيب



باكر يمكن يفهمون قصتي بآخر مطاف

جا باكر ثم عدا وجا بعد باكر (عطيب)



وعلقوا عقد الإناره وإحتشد فرد وآلاف

أيقنت إن الجرح جرحها ماله طبيب



وإنها لازم تطيع أمرهم وترضى الجفاف

جو لها والدمع يغرق جفنها الحلو الرطيب



قالوا يالله إلبسي ثوبك اللي للزفا

كفنوها وفي نظرهم زوجوها للأديب?



فرشوها الهم دايم والأسى لها لحاف

ياحسافه دخلوها والحشا يغلي (لهيب)



وأحكموا قيد البنيه وإسجنوها بإلتفاف

وادعتهم وهي تقول حسبي الله الحسيب



رحلتي ماهيب طويله ورجعتي بعد القطاف

سافرت عن دارأهلها وقلبها خطروصويب



سافرت مع منهو خطفها من أمانيها الضعاف

خايفه مستوحشه والعرق منها صبيب



وقلبها ينبض بذكرى ماضيه فيها إختلاف

حاولت ترضى بقدرها وللحدث هي تستجيب



بس عيت تقتنع وعشقها ذاك <الضفاف>

هوسألها جاوبيني ليه دمعاتك (سريب)



ليه لي ماتنظرين وأنازوجك شخص واف

قالت بنبره خجوله أنا في وضع رهيب



غصب عني زوجوني وإطعنوني بالرهاف

هو سكت لحظة تأمل وش أسوي يامجيب



عقله وقلبه نطقها صاحب النخوه يعاف

قال منهو غير حبي يسكن بقلبك نجيب



من تولى عرش قلبك إهتني به ياعفاف

وباكر الرجعه تراها وإمسحي الدمع العجيب



خايف إني أمسك وأقترف ذنب إقتراف

إضحكت ضحكه وقالت مابعد هالطيب طيب



الله يجازيك عني بالأجر ويسر الطواف

إرجعت وقالت رجعت ياأهل الشرع الغريب



بنتكم جتكم ولكن من بعد ذل وحساف

وإبعثت مرسول عاجل أنا جيتك يالحبيب



النذر اللي نذرته صار وافي يامناف

إجلست يوم وتأخر لارساله (ولامجيب)



وعقلها يمه تشت وبدت بالغيبه تخاف

مرها طفل صغير وإسألت عن الصحيب



قال مات ليلة زفافك وإندفن بعد الزفاف

ناحت بحسره وطالت الليالي والنحيب



ودعت قبل اللقاء حلمها الزاهي وطاف

إقتلوها مرتين وشابت ماقبل المشيب


مما راق لي...

رد: جهزوها وهي تبكي وترتشف دمع إرتشاف ...
 

حلوة بس ما افتهمت عليها كثير

رد: جهزوها وهي تبكي وترتشف دمع إرتشاف ...
 

مافهمت قصدك عن الكفن❤️

رد جهزوها وهي تبكي وترتشف دمع إرتشاف
 

بجد تحزن كثثير مثل هالقصة تصير ..
القصة هي انها تحب واحد وهو يحبها بس اهلها زوجوها غيره وهو كان طيب ورجعها لهلها لما قالتله انها تحب غيره ..
ولما رجعت عرفت انه اللي يحبها مات يوم زفافها حزن ..
ويقصد بالكفن الفستان حقها من حزنها اصبح كفن لها بدل الفرح ..

تسلمي حبيبتي ..
ربي يسعدك ياارب ..
لك اجمل الورود..
كل الود ..