ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   العناية بالبشرة و الجسم (https://fashion.azyya.com/29)
-   -   تسع خطوات للتخلص من رائحة الفم الكريهة (https://fashion.azyya.com/21064.html)

shosho.ahmed 10-22-2008 01:31 AM

تسع خطوات للتخلص من رائحة الفم الكريهة
 
المرة دي كلامنا هيكون عن مشكلة بيعاني منها ناس كتير لدرجة إن المشكلة دي ممكن إنها تسبب لهم إحراج شديد في بعض الأوقات وهي مشكلة رائحة الفم الكريهة...
علشان كده هنعرف إيه هي الخطوات اللي ممكن نمشي عليها علشان نتخلص من المشكلة دي...

الخطوة الأولى
نغسل أسناننا كويس

http://photos.azyya.com/store/up2/081021223109T2sR.jpg

لازم نغسل أسناننا كويس بالفرشاة والمعجون بعد كل وجبة... لكن لو كانت ظروف عملنا بتتطلب إننا نقعد طول النهار بره البيت ومش هنقدر إننا نغسل أسناننا بعد كل وجبة يبقى في الوقت ده نمضمض أسناننا كويس بالمية بعد الأكل... ولازم نهتم كويس قوي إننا نغسل أسناننا الصبح وبالليل بالفرشاة والمعجون.

الخطوة الثانية
نستخدم خيط الأسنان

http://photos.azyya.com/store/up2/081021223109nmVg.jpg

يا ريت إننا يكون عندنا في البيت خيط أسنان "الخيط السني" علشان كل يوم بالليل بعد ما نتعشى ونغسل أسناننا بالفرشاة والمعجون -زي ما اتفقنا- نستخدمه؛ لأن الخيط ده هيساعدنا على التخلص من بقايا الطعام اللي ممكن الفرشاة ماتقدرش إنها توصل لها وبكده نبقى ضمنّا نظافة كاملة..
ولازم ناخد بالنا إن خيط الأسنان ده يكون متوسط في الليونة علشان مايوذيش اللثة.

الخطوة الثالثة
نزور دكتور الأسنان بشكل دوري

http://photos.azyya.com/store/up2/081021223109Juwk.jpg

أنا دايما بافضل إننا نعمل فحص دوري على أسناننا ونروح لدكتور الأسنان مرة كل 6 أشهر على الأقل علشان نقوم بعملية تنظيف كاملة للفم والأسنان وإزالة الجير والتسوس والبكتيريا اللي ممكن إنهم يسببوا رائحة كريهة للفم.


الخطوة الرابعة
ناكل خضروات كتير

http://photos.azyya.com/store/up2/081021223110hOdk.jpg

نحاول أن أكلنا يكون فيه نسبة كبيرة من الخضروات؛ وده لأن تناول البروتينات "اللحوم" أكثر من الخضروات بيساعد على تنشيط جراثيم الفم اللي بتسبب رائحة كريهة للفم.

الخطوة الخامسة
نشرب سوائل كتير

http://photos.azyya.com/store/up2/081021223110rB2j.jpg

من ضمن الأسباب اللي بتسبب ظهور رائحة للفم هو الجفاف اللي ممكن إنه يصيب الفم علشان كده يا ريت إننا نحرص دائما على إن فمنا ما يكونش جافّ... وده عن طريق إننا نكتر من شرب الماء والسوائل؛ وده لأن المية بتساعد على ترطيب الفم وبتجعل اللعاب أقل كثافة في الفم؛ وده لأن اللعاب الكثيف بيكون مصدر غذاء غني للبكتيريا اللي بتسبب حدوث رائحة كريهة للفم..


الخطوة السادسة
ناكل لبان بعد الوجبات

http://photos.azyya.com/store/up2/081021223111h7GS.jpg

يا ريت إننا ناكل لبان بعد الوجبات خاصة أنواع اللبان الخالية من السكر أو اللي بنكهة القرفة؛ لأن اللبان اللي بنكهة القرفة بيساعد على تنظيف الفم من بقايا الطعام وبيساعد على تخلص الفم من 50 % من البكتيريا اللي بتسبب رائحة كريهة للفم ده بالإضافة إلى أن القرفة بتحتوي على زيت طيار بيساعد على قتل البكتيريا الموجودة في الفم.

الخطوة السابعة
نغيّر فرشاة الأسنان بصفة دورية

http://photos.azyya.com/store/up2/081021223111B7ez.jpg

لازم نستبدل فرشاة الأسنان القديمة بفرشاة جديدة كل شهرين أو ثلاثة.


الخطوة الثامنة
الإقلاع عن التدخين

http://photos.azyya.com/store/up2/081021223111X8rC.jpg

التدخين من الأسباب الأساسية اللي بتسبب حدوث رائحة للفم وعلشان كده يا ريت أي حد بيدخن يحاول إنه يقلع عن التدخين لأن مش بيسبب رائحة كريهة للفم وبس ده كمان بيسبب اصفرار الأسنان.


الخطوة التاسعة
نخلي دايما قرنفل معانا

http://photos.azyya.com/store/up2/081021223112KU45.jpg

فيه حاجات زي "البصل" أو "الثوم" بتترك بعد أكلها رائحة غير مستحبة علشان كده يا ريت إننا بعد ما ناكل أي أكل فيه "ثوم" أو "بصل" إننا نغسل أسناننا كويس وبعد كده نمصّ قرن قرنفل؛ لأن القرنفل مطهر جيد للفم.


اتمني الموضوع يعحبكم
مستنيا ردودكم

shosho.ahmed 10-22-2008 05:42 PM

رد: تسع خطوات للتخلص من رائحة الفم الكريهة
 
فين ردودكم يا حلوين

نودا 10-22-2008 08:30 PM

رد: تسع خطوات للتخلص من رائحة الفم الكريهة
 
شكرا ياقمر على موضوعك الرائع والمهم وبجد بجد موضوعك جامد جدا ومفيد

~▌♥ ڧــ♥ــدٱ اڵڱــۅېــټ ♥▐~ 10-22-2008 08:34 PM

رد: تسع خطوات للتخلص من رائحة الفم الكريهة
 
مشكورة حياتي على النصائح الروعة يا حبيبتي

shosho.ahmed 10-23-2008 12:08 AM

رد: تسع خطوات للتخلص من رائحة الفم الكريهة
 
مشكوره مروركم


الساعة الآن توقيت السعودية الرياض و الدمام و القصيم و جدة 07:53 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0