ازياء - فساتين سهرة و مكياج و طبخ - [ .. بَ أكْذبَ عُلىَ نفَسيٌ َو أطيَرْ .. ]

اْرسم لي سما .. بكذب على نفسي واطير
واْزرع لي بصدري سحاب .. وغمامه

لولا الفضا / ما تمّ حلم العصافير
ليه أنحبس ما دام صدري ( حمامه ) ؟

ليت السما تحضن هموم المساهير
زي مَ حضَنَت همّ الليال و ظلامه ..

لو كان في صدرالمسا دمّ وضْمير /
ما عذّب عيون ٍصَحَت .. ما تنامه

ظنيت بك يا ليل ظنّ المخاشير
الي يزيحون النكد ب ( ابتسامه )

وجيتك تواسيني / لقيت أكثري ( طير )
وكنّك ( قفص ) يصعب علي اقتحامه

خذني على قد العنا والمشاوير
وكاني وصلت لشي : وين السلامه ؟

خذني بشر / لكن بشر دمعته : غير
لو طاح دمعه / ما يطيّح مقامه ..

يا خير هو وعدك متى ؟ كان به خير
متّ انتظر ما شفت غير الندامه

والوقت لانفاس الوله شخص ٍضْرير
ما دلّ شرهاتي و كبر الملامه

الي تركني ( لي ) . . وخلاني كْسير
قولوا له إنّي ما تحمّل خصامه ..

راح .. و تركني بعين حزني / كْبير
ومابه سوى دمع ٍعجزت احترامه

لو كان لذنوب المحبين تكفير ؛
كفّرت ذنبي ب ( ارتكابك ) .. مدامه :

ثقل الخطايا تدمحه سجدة / حْقير ؛
من نفس مليانه ( ورَع ) واستقامه

يرسم على وجهي الخطا ( طفل ٍصْغير )
تخفي براءة دمعتيه : اتّهامه ..

ويطيح من عيني ( أمل ) شوفته : مير
ترفعه في قلبي معزّة غرامه ..

ويوم إنْ جنحي تكسّرت / قلت لي ( طِير ) ؟
ما طار غير الفرح وقت انسجامه

ويوم الأمل فيني طفى .. قلت لي : خير ؟
كل خيْر / والحظّ الردي في تمامه

يا ( موت ) تكفى ( ضمّني ) / ماني صغير
شف للشقا في وسط وجهي ( علامه )

خل السما ( تابوت ) .. ما عدت ابآطير
مابي أعيش العمر كله ندامه ..