ازياء - فساتين سهرة و مكياج و طبخ

السلام عليكم ورحمة الله وبركاته استغفروا الله اول شي بعدين يلا نبلش سوا موسوعة لكل انواع الكيك الجديدة بس المجربة يعني كل وحدة تحط طريقتها بالكيك مشان تفيد وتستفيد بس خلينا نوضح الطريقة يعني نكتب الشغلات بكل توضيح ممكن بس بشرط تكون مجربة رح ابلش انا يلا على بركة الله <شو وين رايحة >
5بيضات و1كوب طحين او دقيق العادي ونصف كوب سكر عادي او بودرة اللي متوفر نضع البيض والفانيليا والسكر في الخلاط العادي تبع العصير او بزبدية واخلطي بايدك اذا بدك شوية رياضة كخخخ بعدين بنحط الطحين على دفعات بعدين معلقة كبيرة بيكنج باودر او خميرة الحلويات ثم نصبها بصينية الفرن الكبيرة المدهونة بزبدة وطحين بحيث تكون الكيكة طبقة رقيقة ونضعها في فرن بالرف الوسط وما بدها اكتر من 7 دقايق او اقل حسب فرنك بعدين بنطلعو وبنلفو وهو سخن وبنحط على وشو فوطة نظيفة بعدين بس يبرد بنفردو شوي شوي وبنحشيه على كيفنا ممكن شوكولا ممكن كريمة شانتي او قشطة وعسل او جاناش اي شي وبنلفو وبنحطو بالبراد وبعدين صحة وهنا
ملاحظة انا بعمل هاي الطريقة كل يوم تقريبا وبتطلع تمام ان شاء الله انتو تجربوها وتحكولي يلا بدنا همة لنقاطع الجاهز ونشمر عن السواعد >>اي شو معركة << :067:
اللهم اغفر لتهاني واهدها الى الصراط المستقيم وابعدها عن النار وعذاب القبر امين
لا اله الا الله محمد رسول الله