ازياء - فساتين سهرة و مكياج و طبخ - حاجات مفروضا زوجك مايعرف عنها

----

السلام عليكم ورحمت الله وبركاته 00
((حاجات....زوجك المفروض ما يعرف عنها...))
.وبالفعل في شغلات المفروض إحنا ما نشارك أزواجنا فيها....وإن شاءالله بأقولكم واللي عندها اضافه حياها الله...
1- أخبار الصديقات، ومواصفاتهن...
وهذا المشكلة اللي دايماً تتكرر عندنا، حريم ما ننلام كلامنا كثييييييييير، ما يصير زواج نروحله إلا وقلنا فلانة، وشفتي فلانة، وفلانة كيف كانت كاشخة، والرجال ساكت ومبسوط على هالسوالف أو انه يسوق..مع أنها أكبر مصيبة،او تحكين له عن صديقتك مسكينه زوجها يطنشها رغم انها حللللوه والله انتي المسكينه
وياما سمعنا عن مصايب هذا سببها
بهذي الطريقة عزيزتي إنتي تفتنين زوجك بمواصفات غيرك، وتتكلمين على أعراض الناس، تكون بنت مستورة في بيت أهلها، ولا حرمة متزوجة وراعية رجال وإحنا نقطع فيهن من العلوم والاخبار والحبيب يتسمع...وفوق هذا كله تتحملين ذنب
2-الأمراض او الاصابات الخاصة...
مو أكون ثرثاره وأقول لزوجي: والله حبيبي ريحة غريبة طالعتلي وأفرازات مش طبيعية في المكان الفلاني 00انتي كذا تنفرينه ولا عاد يحسك نظيفه او يرغب فيك ...حتى.لو كانت علاقتكم كثير قوية مع بعض...بس لا تلوعين كبده وتنفرينه منك بطريقة غير مباشرة.لأن الرجال ماينسون ممكن يقرف منك كل ماحاول يقرب منك
3-إذا شفتي شي ما عجبك في بيت اهله ،
شكيتي في علاقات لا سمح الله اخواته...باختصار، لمي لسانك ترا ما يخصك، وإلا باتستويلك سالفة حشيمة...بينك وبينه، بينك وبينهم، بينه وبينهم، خليك في نفسك و زوجك وعيالك...تكسبي...
4-مشاكل بيت أهلك لا تطرينها أبداً،
نص ييحه: : :لا تذكرين صفاتهم السيئه او تحتقرينهم ترى إذا ما احترمت أهلك وخصوصياتهم ماظنتي زوجك بيحترمك او يعمل لهم حساب فيوم ترى مهما كنتي تحبين زوجك هذولا اهلك وعزوتك فاليوم الاسود، ولا تنتقدين أحد فيهم قدامه، ولا تتكلمين عنهم في سوء، أبداً..ابدا.
5- اياك ان تكشفين عيوبك القديمه بلسانك عنده
لأنها تقعد في باله مهما حاولتي تصلحينها
لكم ودي