غشيم في مغآإآإزل $$...
مرحبا ملاين
حبيت انقل لكم هاي القصه المضحكه وان شالله تعجبكم ....قصة غشيم في المغازل.... هي صحيح طويله بس ... لا تفوتكم اخليكم مع القصه..... المهم وانا في عز النوم والسعابيل الا فجأه .. رن التلفون .. . وطبعا تلفوننا شايل ابوي منه كل الارقام .. موب مخلي الا رقمين التسعه والثمانيه .. يعني مالك الا تدق على الشرطه ولا الدفاع المدني وغيره مافيه ... المهم اني رفعت السماعه واقول نعم .. الا وذاك الصوت اللي يرد الروح .. صوت بنت .. واخوكم اذا سمع صوت بنت اوجعه بطنه وانواع الاسهال ... وقالت الو .. انا ماعاد عرفت وش اقول انشلت براطمي وطلعت كني ياسر عرفات .. ال ال ال ال لو .. قالت .. مين معاي ..؟؟ قلت .. معاك انا .. (( صراحه جواب يدل على ذكائك ..!! )) وهي اللي تضحك .. وانا قلبي احسه موب طبيعي قالبها سامري واستنزل عندي الكبد والبنكرياس انواع الربكه .. وقالت لي .. سوسو موجوده ..؟؟ قلت لها .. ما ينفع حوحو ..؟؟ قالت مين حوحو ..؟؟ .. قلت .. هذا اسم الدلع حق الحمار اللي هو انا . . !! وضحكت لله الثانيه على التوالي .. وقالت .. يؤيؤ .. شكلي غلطانه .. طيب آسفه ... قلت لها .. لاعادي.. لاشكر على واجب . . (( دايم اسمع هالكلمه .. وجالس احتري الفرصه اني اقولها ..!! )) .. وقفلت السماعه ... : تصدقون .. مادري وش صار فيني .. حسيت بشعقريره في جسمي .. وان افرازات الخشم عندي زادت .. وان ودي اروح انبطح في الحوش واكتب قصيده هجائيه .. لايكون هذا هو الحب اللي يقولون .. (( لعن ابو الحب اللي تعرفه يالضفدع ..!! :عاد انا ماني متعود على البنات .. لان ما شالله بيتنا فيه خمسطعشر رجال اللي هم انا واخواني وابوي وامي .. ( الله يخلف على ابوك واميمتك هذا وانت اكبر اخوانك عليه العوض ومنه العوض: )) المهم .. يعني انا واخواني ماشفنا بنت ابد .. وهذا اللي سبب لنا عقده تسمى العقده الفيسلوجيه .. (( من وين جت ذي ..!! )) المهم .. اني قررت اني اتعرف على بنات ... بس فيه مشكله وحده اللي هي اني ماعندي اسلوب ابد ...(( يعني وقفت على الاسلوب .. لعن ابوك انت عندك الف مشكله مو مشكله بس .. واهمها مشكلة وجهك اللي كنه لوحة انتبه امامك نقطة تفتيش ..!! )) الوكاد اني مالقيت قدامي الا واحد من العيال اسمه عبدوش .. معروف ان البنات ما يعوقون معاه .. وانا اللي اللقط مفتاح سيارتي واروح له الوكاد .. اني رحت لعبدوش .. وعلمته بوضعي وان امنيتي في الحياة اتعرف على بنت قبل ما اموت .. (( اخس يالشايب ..!! ):: فقال لي .. السالفه بسيطه .. اذا بغيت البنت تحبك حسسها انها احسن وحده في العالم ... قلت له .. يعني كيف .. يعني .. يعني كيف .. يعني اقولها انتي احسن من بمارادونا ...!! وهو اللي يرفسني برجله في بطني .. وقال لي .. انت ثور .. وش دخل مارادونا يالغبي .. !! انا قصدي انك تحسسها بانوثتها وان مافيه بنت غيرها في العالم .. قلت له .. برضه مافهمت .. يعني تبيني اذبح كل البنات واخليها لحالها ...!! وهو اللي يموه علي برجله ويمحطني بيده على جبهتي ..... وقال لي .. شوف انت حمار .. وماراح تفهم الا بالدروس العمليه ... ويطلع جواله ويدق . . وقال لي .. شوف انا هاللحين باكلم وحده.. . وتعلم .. قلت له .. طيب ... وكلم .. وقال .. هلا حياتي هلا عمري هلا روحي .. انا لؤي حبيبك ومجنونك .. (( الحمدلله على العقل .. نعن ابوك وين لؤي معه . . والله لو اشوف وجهه في احسن الاحوال بعد ما اعطيه غير اسم جعفر .. قال ايش قال لؤي ..!! )) .. : وقام يقول لها .. احبك واموت فيك .. انا بدونك مثل البيت بدون حاره .. مثل التلفون بدون حراره .. مثل السواق بدون سياره .. انا البنزين وانتي الشراره .. انا الشارع وانتي الاناره ..انا الرومانسيه وانتي الاثاره انا مبنى التجاره العالمي وانتي الطياره ... (( قسم بالله اني بغيت اضمه وابوسه يوم سمعت كلامه .. حسيت بشعور غريب .. نعن ابليسه لو يكلم جدار كان ذاب )) المهم .. انه خلص المكالمه .. والتفت لي .. وقال لي .. يالله دورك .. باعطيك رقم بنت وكلمها .. وقول لها نفس كلامي ... قلت له بكل خجل .. طيب .. وهو اللي يدق على بنت ويعطيني الجوال عشان اكلمها ... وانا اللي اقول الو .. ويوم سمعت صوتها ضاعت علومي .. ونسيت كل الكلام .. وقلت لها .. بابا فين ..!! وما حسيت الا بذيك الجزمه اللي لازقه في مقفاي ... وقال لي .. قول نفس الكلام اللي قلته يالثور ... وانا اللي اقول لها ... هلا حياتي هلا روحي هلا تعالي .. وقالت .. طيب وبعدين ... قلت لها . . انا بدونك مثل الكيبورد بدون فاره .. مثل التقاطع بدون اشاره .. مثل الحمار بدون حماره ... مثل السلطه بدون خياره .. انا محترف وانتي نظام الإعاره ... انا الولاعه وانتي السجاره ... انا الدسن وانتي الغماره ... انا الصرصور وانتي البياره ... انا طوط طوط طوط طوط ... قفلت الخط في وجهي .... قال عبدوش .. وش فيك ؟؟ .. قلت له .. لا ابد الخط مشغول ...!! (( مايعرف يصرف ابد ..!! )) ومادريت الا وعبدوش مطلع لوح فيه مسامير ودبجني فيه اللين قلت للعنز ياخاله ...: المهم .. اني رجعت للبيت ودماني تصب وماليه وجهي من كثر الطق اللي جاني من عبدوش00 لدرجة ان اللي يشوفني ما يعرفني .. طالع كني مسابقة .. من صاحب هذه الصوره .. اللي يحطونها في المجلات ... وانا اللي ادخل البيت بشويش عشان مايشوفني احد .. واطلع غرفتي واسكر الباب وانام ... وفي عز النوم .. دق جرس التلفون .. وارفع السماعه .. الا هي نفس البنت اللي كلمتني اول مرره .. قلت .. نعم .. قالت .. سوسو موجوده ..؟؟ قلت لها .. شوفي .. بيتنا كله شباب .. ومافيه احد يبدا اسمه بحررف السين .. انا واخواني كلنا اسمنا خالد .. وما فيه الا اخوي الصغير فهد هو اللي اسمه نايف وننااديه عبدالرحمن .... (( وش عنده عادل امام..!! )) والبنت كررتها ضحكه .. وقالت ما شالله دمك خفيف ... (هي تحسبني استهبل مادرت اني دلخ من جد )) وقلت لها .. شكرا .. (( مسوي مؤدب ..!! )) وسألتني البنت .. وش تسوي هاللحين ..؟؟ .. قلت لها .. والله كنت نايم : : تآآآآآآآآآآآآآآآبع |
رد: غشيم في مغآإآإزل $$...
بآإآإك ...
وأخذت سيارة واحد من العيال .. ورحت لبيت عبدوش ولقيت عند بابهم شحاده وهي اللي تجي تبي تركب .. قلت لها .. الله يعطينا ويعطيك ياخاله .. وهي اللي تطق قزازة السياره شوي وتكسرها .. وانا اللي اطلع من جيبي ريال ونص كنت ناوي اشتري فيه توكس .. بس قلت مو خساره فيها عشان الله يوفقني .. وتوني افتح الدريشه باعطيها .. الا وهي تقول افتح الباب الله ياخذ هالراس ..... الصوت مو غريب علي .. يوه عبدوش.. قال .. ايه عبدوش الله لا يبارك فيك .. افتح بسرعه قبل ما يطلع احد من هلي ... وفتحت له الباب وركب .. وانطلقنا للشاليهت ... المهم وصلنا الشاليهات .... ونزلنا من السياره .. وامسك يد زوجتي .. اللي هي عبدوش سابقا ... ودفعنا التذاكر .. ويوم جينا بندخل .. وقفنا الحارس اللي على الباب .. وقال .. لحظه لازم زوجتك تدخل محل تفتيش النساء لاننا شاكين فيها .. قلت له .. ليش في مطار حنا .. تراه شاليهات .. بعدين وش فيها زوجتي ...؟؟ قال الحارس ... ياخوي وش هالحررمه اللي لابسه زبيريات ....!!!!! وانا اللي اناظر في ارجول عبدوش الا فعلا لابس زبيريات ..!!!! يالله لاتفضحنا بس ... وانا اللي ا قول للحارس ممكن تتركني معا زوجتي .. ابيها في كلمة راس .. قال لي ادخل هالغرفه الفاضيه وتفاهم معاها ... وانا اللي اسحب عبدوش للغرفه .. واترفس في بطنه وانواع ا لاكواع .. نعن ابوك يالغبي زبيريات مرره وحده ... قال .. وش اسوي مالقيت جزمه كعب على مقاسي ..... وقلت له .. اسمع نزل العباة على ارجولك عشان ماحد ينتبه يالغبي المهم .. اننا رجعنا للحارس .. واعتذرنا منه على سوء التفاهم .. ودفيناه بمية ريال عشان يسكت ... واول مادخلنا استاجرت شاليه صغير وقلت لعبدوش يجلس فيه .. وانا باروح ادور خويتي .... وطلعت .. ودقيت جوال على خويتي .. ووصفت لي مكانها ... تقول انها عند الشجر اللي جنب المطعم ... وانا اللي اروح هناك .. واجلس ساعتين ادورها ومالقيتها ... وادق عليها جوال قلت لها .. وينك فيه لي ساعتين ادورك ... قالت .. انت وينك بالظبط ؟؟؟.. قلت لها .. انا واقف جنب كيس زباله .. وانتي وينك ..؟؟ .. قالت .. انا واقفه جنب واحد شكله مجنون وعليه قل صح ... وانا اللي التفت وراي .. اوب .. هذي هي .... (( افا طلعت انا المجنون اللي تقصده .. وطلعت هي كيس الزباله اللي اقصده ..!! )) وهي اللي تنصدم .. وقالت .. هذا انت ..!! وين الوصف اللي تقول .. اجل طلال الرشيد هاه .. امحق طلال اللي تشبه له انت ... (( صادتني ان عيوني مثل عيون خالد الملا .. وجسمي مثل نبيل شعيل . . وخشمي مثل عبد المجيد عبدالله ..!! )) .. قلت لها .. لا انا فعلا مثل ماقلت .. بس صار لي حادث هو اللي اثر على وجهي .. ولا انا كنت حلو ... (( ايه هين ..!! )) قالت .. مو مشكله اهم شي اسلوبك اعجبني .. قلت لها .. اشوى ان اعجبك شي فيني .... وطلبت منها انها توريني وجهها .. قالت .. طيب بس لا يشوفنا احد .. وانا اللي اغطي عليها .. وقلت لها .. يالله بسرعه .... وهي اللي ترفع الغطوه .. وانا اللي اضحك ..!! قالت .. وش فيك تضحك ..؟؟ قلت لها .. يالله عاد بدون استهبال ....!! قالت .. وش فيك ؟؟ .. قلت لها .. يالله بسرعه شيلي القناع اللي على وجهك لا تستهبلين ....!! وهي اللي تقول .. هذا وجهي الصدقي يالقرد ... وانا اللي انصدم واحس ان الارض تدور فيني ... وش ذا الوجه الشين .. اول مرره اشوف وجه يطلع منه ريحه مخيسه ... نعن ابوها حتى الشجره اللي كنا واقفين جنبها رفعت ثوبها وانحاشت .. وكل الشجر اللي كان حولنا انحاش وراح وقف في مكان ثاني بعيد من شين وجهها ....!!! وانا كنت حاط في بالي كلام رومانسي جلست عشرين دولار يوم احفظ فيه .. عشان اذا شفتها اقوله لها .. بس يوم شفت وجهها اللي كنه وجه واحد جالس في مجلس رجاجيل وفيه اسهال ... وضيعت كل الكلام اللي حفظته وقمت الخبط في الكلام .... سألتها .. ليش الغمص ساكن عيونك ..؟؟ جاوبتني ..من الأرق ..!! سألتها .. طيب وش هالبسي اللي مكبوب على ثوبك ..؟؟ جاوبتني .. هذا موب بسي .. هذا مرق ..!! سألتها .. طيب ماعندك غير هالثوب ..؟؟ جاوبتني .. الا كان عندي بس انسرق ..!! سألتها .. طيب مادامك شينه وشهوله تغازلين ..؟؟ جاوبتني .. انا كنت حلوه .. بس ان وجهي انحرق ..!! وسألتني .. وش رايك فيني .. ما اشبه باسكال ..؟؟ جاوبتها .. انتي جسمك جسم باسكال .. بس الوجه الله خلق وفرق ..!! المهم اني ماقدرت اتحمل وجهها وقلت لها .. انتي جدك الاكبر كان غوريلا ..؟؟ قالت لي .. لا تطنز انت وجهك .. انا اول كنت مصدقه ان الديناصورات انقرضت .. بس من يوم شفت وجهك عرفت ان هالكلام اشاعات اشاعات ...!!! قلت لها .. شوفي ياآنسه جراده .. انا ودي اجاملك واقولك كلام حلو .. بس وجهك يقول مالك امل ..!! قالت لي .. والله حتى انا بعد ودي اقولك كلام حلو .. بس وجهك ما يساعد .. وجهك كنه دعاية لا للمخدرات ..!! المهم .. ان كل واحد منا تفل في وجه الثاني ورحنا ... وانا من الصدمه توقف تفكيري .. كل آمالي واحلامي راحت ادراج الدواليب .... _وركبت السياره .. ورجعت_ للبيت وانا متحطم .. كنت متخيلها مثل مايا نصري ولا اليسا .. وطلعت مثل فطومه ... لا خلاص ماعاد ابي اتعرف على بنات ...(( تكفى آخر مرره .. حرام تحطم قلوب المعجبات يا راغب علامه .. اقول انطم بس)) الوكاد .. اني سكررت باب الغرفه .. ونمت نومة عدوكم .. (( مسوي علوم رجال ..!!)) ومادريت اليوم الثاني الا باللي يرفس الباب .. وانا اللي انقز من فراشي ... وش السالفه يالربع .. الا وهو ابوي يصايح .. افتح يالسمرمدي .. افتح لابارك الله فيك ... وانا اللي افتح الباب .... الا وابوي في وجهي وجه مايطمن .. ويطلع ذيك العجرا من وراه .. وانواع التلحيط .. واخواني وامي واقفين عند الباب يتفرجون الانذال ... من لقاها مصارعه على الطبيعه .... المهم .. ان ابوي شغال ضرب فيني ويقول تزوج من ورانا يالخسيس .. قلت له .. والله ما تزوجت ... قال .. الا .. لان الشاليهات اتصلوا علينا وقالوا خلوا مصيول يجي ياخذ زوجته اللي نساها امس ... وانا اللي تضيع علومي .. وابي افهم ابوي السالفه .. بس انه شغال ضرب فيني .. ماترك لي فرصه .. وبعد جهد جهيد قدرت انفك من ابوي .. ورحت لآخر الغرفه .. وياخذ ابوي نعال ويرميها علي ... وانا اللي اوخر عنها بسرعه وامسكها بفمي ...(( متأثر بالأفلام ..!! )) واخواني يوم شافوني سويت هالحرركه وهم اللي يصفقون ويصفرون لي ... وانا اللي اتحمس .. وانط على ابوي وامسكه مسكه منومه .. (( خربها الغبي مع ابوه ..!! وينط واحد من اخواني ويمسك يد ابوي ويرفعها اول مرره وطاحت ويرفعها ثاني مرره وطاحت .. ويرفعها ثالث مرره وطاح... لا لا لا لا غير معقول ... رفع ابوي يده وقام يأشر باصبعه يعني لا تراني مانمت ....!! ويوم شفته مانام .. وانا اللي اقوم وامسك ارجوله .. واسوي له حرركه مقصيه عشان يستسلم .. بس ما استسلم .. واخواني يقنعونه انه يستسلم بس هو عنيد يحاول يزحف عند الحبال .. بس انا ماخليته ينفس ... وفجأه . . اوه .. لا تدخل خارجي ... امي جابت المقلاة ومحطتني على جبهتي محطه مدويه ... وتدخلوا اخواني ومسكوا امي وطلعوها برا الحلبه .. ((عائله دلوخ )) المهم اني دخت وماعاد ادري وين انا وطحت مكاني .. ويزحف ابوي بشويش .. ويحط يده على صدري .. ويعدون اخواني .. واحد .. اثنين .. ثلاثه .... فاز ابوي هيه .. ((الحمد لله والشكر)) : : المهم اني فهمت ابوى السالفه ((ما اصلح في جريات ابد اعلم واكع على طول)) ونمر بيت ابو عبدوش ونعلمه وانواع التمحيط فيني المهم انا وصلنا الشاليهات وقلت له معى لك مفاجأه وهو اللي يضحك قال والله اني خابرك ذيب ما تترك خويك كذا الرجال ولا بلاشو وان اقول في صدرى ايه هين وهو يقول اكيد بتعرفني على وحده من خواتها قلت ايه انا بعرفك على وحده صحيه 00 وهو يبي يشوف المفاجأه بيفصخ العباه قلت لها خلها عليك كذا احسن((انواع النذاله فيني)) وصلنا السياره .. الا وابو عبدوش ماسك مفك العجل في يده يحتري ولده ... وعبدوش من هول الصدمه ماعاد شالته رجليه .. طاح مكانه وقام يصيح ويولول ... واستلمه ابوه انواع تفقيع الوجه وانواع الترفيع والتنزيل .... وانا جالس اتفرج ومبسوط .. ومادريت الا وابوي ماسكني وانواع الركب .. وانا اللي اصيح فيه .. هيه يابو الشباب .. حلى هي ..!! توك طاقني قبل شوي ...!! قال ابوي ... ايه صحيح .. بس عيب الرجال يطق ولده وانا جالس اتفرج .. لازم اسوي شي انا بعد ...(( لا صراحه ان ابوي فاهم في الاصول .. طالع لي ..!! )) المهم .. عقب الطق اللي كليته انا وعبدوش .. تزاعلنا مع بعض .. وانا حررمت اتعرف على بنات .. ومثل ماقال المثل .. ابعد عن الشر ياعمرري وغني لوه .. ودان دان لدانه دان واويلوه مشكلني حبك ياروح الروح مشكلني .. يالبيه يالبنات اللي مع راشد في الفيديو كليب .. اروح طحينيه معاهم ... ((شكله ماتاب ناوي ينطق مره ثانيه )) : النهايه^^ |
رد: غشيم في مغآإآإزل $$...
كااااااااااااااااااااااااااااا اااااااااااااااااااااااااي حلوه
اشكرك كنت زهقانه و نستيني يا عمري |
الساعة الآن توقيت السعودية الرياض و الدمام و القصيم و جدة 03:25 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.