يا أهل مصر
https://up.arab-x.com/Dec09/EIE65518.gif
السلام عليكم ورحمه الله وبركاته بدايه كدة انا كنت عايزة اعلق على موضوع أخت هنا في المنتدى بتدعي المصرين اللى هنا على الذهاب إلي ميدان التحرير يوم الثلاثاء مع أحترامى لرغبتك ورأيك بس انا كنت عايزة اوصل حاجة بسيطة بس اولاً ات كتير من المطالب اتحققت وكل شعب مصر شاف كل ده فاليه نعمل اعتصامات ومظاهرات تانى خلاص بقي كفاية مجاش من وراها الا تعطيل الحياه في مصر والاشغال وتعطيل مرتبات وفي ناس كتير غلابة اتظلمت في النص ومرتباتها اتعطلت بعدين انتوا بتقولوا انكوا عايزين أو بطالبوا السيد الرئيس / محمد حسنى مبارك . يتنحيه ورحيله عن الرئاسة ينفع كدة يعنى بالله عليكم ينفع كدة خلاص هما 6 شهور كمان استنيتوا كل ده مش قادرين تستنوا 6 شهور بعدين انتوا ليه ظالمينوا كل الظلم ده انتوا مش بتشوفوا الا الوحش بس ونسيتوا اهم حاجة عملها لمصر واللى معرفش اى حد تانى انه يعملها تحرير مصر ليه تنسوا الحلو وتمسكوا في الوحش ليه مينفعش كل الهجوم اللى حصل عليه عيب قبل ما يكون مينفعش لا دين ولا تربية تقول او ترضي باللى حصل ده هو ده اللى انتوا قدمتوه ليه قبل ما يمشي اه في حاجات وحشة حصلت بس برضة كان في الحلو كل اللى حصل ده أدى تدخل دول اجنبية كتير في شئون مصر بس ربنا سترها لانه هو حاميها برحمته وتدخلات تانية كتير وكل واحد طلع بكلمة وكان مهرجان بصراحة ... ليه بقي نرضي بكل ده . فبالله عليكم يا شعب و أهل مصر أتقوا الله في أرض و شعب ورئيس مصر . |
رد: يا أهل مصر
أسأل الله أن يفرج همكم
|
رد: يا أهل مصر
اختى نيره مع احترامى ليكى عندهم حق ومافيش حاجة اتحققت من مطالب الشعب غير انو جاب نائب لا كن تقدرى تقوليى عمل اية تانى وبعدين لو عمل حاجة حلوة عمل قصدها مليون حاجة وحشة وهو عميل مع الامريكان تقدرى تقوليلى لية راضى ان ناس تسرق البلد زى احمد عز احمد عز لوحدة اختى بيكسب مليار ومية وخمسين الف فى الشهر الواحد وغير كدة بيغلى الحديد والاسمنت ومين اختى تقدرى تقوليلى الى سامح بكدة غير سعت رئيس الجمهورية وناس الى كانت رايحة مؤيدة لي البلطجية مين الى كان باعتهم مش معقول اى متظاهر عادى يروح بجمال وخيول ويموتو فى الناس ماشفتيش صور الشباب الى مات دمهم فى رقبت مين ومتهيئلى الى خربو البلد مش المظاهرين المظاهرين نفسهم فى مصر احلى ولاكن مؤيدين الريس الى هما البلطجية هما الى خربوا وهو كان بيعمل الى على مزاجو يعين ابنو ويعمل الى هو عايزة ويذور انتجابات حسسنا ان مصر دى ورث ورثو عن بابا الباشا والشعب مكنش لية اى راى بالعكس كان بيتهان وكرمتو بتضيع ومين الى غلا الاسعار تقدرى تقولى مين مافيش غيرو حسنى مبارك انا اقدر اجيب فى غيرى ميقدرش انا راكبة عربية فى غيرى مش معاه هم بيتعملو على اساس ان كل الناس زى احمدعز معاها مليارات
وبعدين الاجانب مش لسة هيدخلو فى شئون مصر هما على طول مدخلين فى شئوناها وفيها دايما روحى شرم الشيخ هتلاقى اليهود والاجانب ملين الدنيا هناك طولت عليكى اختى شكرا...... |
رد: يا أهل مصر
اقتباس:
يا حبيبتي كلامى كان واضح وقولت ان في حاجات حاجات وحشة حصلت بس للأسف انتوا نسيتوا أحلى حاجة واكبر حاجة واللى معرفش حد يعملها غيرو انوا حرر البلد تحرير دولة ده مش بالسهل يا بنتى ازاى يعني تقولى كده علية ازاى وعيب اوى يتهان كدة عيب اوى مهما كان بتهاجموه وبطالبوه برحيلوا طالبوا باللى عايزينوا بس من غير أهانه اتقوا الله فيه بقي والله لتمنوا يوم من ايامه |
رد: يا أهل مصر
أسأل الله أن يفرج همكم
|
الساعة الآن توقيت السعودية الرياض و الدمام و القصيم و جدة 10:24 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.