ازياء - فساتين سهرة و مكياج و طبخ

المقادير :
1 – 1 كيلوا برغل ناعم
2 – 1 كيلوا لحمة ناعمة هبرة
3 – بصلة كبيرة
4 – كاسة شاي وسط زيت بلدي او عادي
5 – 3 ملاعق دبس بندورة او حسب انتي كيف بتحبي الصلصة ثقيلو او عادية
6 – فنجان قهوة دبس زمان
البهارات :
1 – ملعقة شاي صغيرة فلفل ابيض
2 – ملح حسب الطلب
3 – ربع ملعقة صغيرة كمون
طريقة التحضير :
1- منجيب طشط ( طاسة غميئة ) لحتى تحطي فيهم البرغل براحتو وبنرش على وجههم مي فاترة او سخنة شوي رش حصراً يعني ما منحط فوئهم المي كانو عم نقعهم رش ومنحركهم دقيقتين ومنغطيهم لمدة 30 دقيقة
2- منجيب البصلة ومنقطعها قطع صغيرة ومنقليها بالزيت لحتى تصير لونها زهري ومنحط معاها اللحمة الناعمة وكمان منقليها لتستوي .

طريقة عمل اقراص الكبة :

1 - بتجيبي طاسة صغيرة فيها ماء عادي وبتخليها جنبك
2 - بتحطي على راحة الكف ماء رشرشة يعني ماء قليل وبتبلشي تحطي كمشة برغل وحصراً لازم يكونو اقراص صغيرة فقط وبتبلشي تئرصيه يعني بتحطي اصبعك بالنص وبتبلشي تعجنيه حولين اصبعك لحتى تشوفيه صار على شكل كوسا محفورية وبتخلي فتحا فيه للحشي .

3 – منجيب رب البندورة ومنحطهم بطنجرة ومنحط معاهم كاسة ماء كبيرة وعلى حسب كمان كيف بتحبيه الصلصة جامدو او وسط او عادية وبتحطي البهارات معاها وبتحركي لمدة 5 دقائق على نار قوية بس تشوفي بلش يغلي الماء والدبس بندورة بتحطي معاهم الكبة تنتين تنتين بدون تحريك بس بعديهم عن بعض بملعقة خشب

مقبلات الكبة بصلصة رب البندورة :
رز بالشعيرية او على حسب وخبز مئمر

وصحتين وهنا