ازياء - فساتين سهرة و مكياج و طبخ - المعمول الشامي بالتمر

المقادير :

العجينة:

1 - نصف كيلو سميد

2 - 3 كاسات من الدقيق الناعم

3 – نصف كيلو من السمنة أو الزبدة.

4 – كاسة سكر كبيرة .

5 – نصف كاسة ماء الزهر.

6 – نصف كاسة ماء الورد.

7 – كاسة كبيرة ماء للعجن.

8 - ملعقة كبيرة من خميرة البيرة مذابة بنص كوب ماء دافىء.

9 – كاستين سكر ناعم (بودرة) للزينة.

10 - ملعقة صغيرة من المحلب الناعم.

حشوة الجوز :

1 - نصف كيلو من الجوز(عين الجمل ) أو فستق

2 - كاسة كبيرة من السكر.

3 - ربع كاسة كبيرة من ماء الورد.

حشوة التمر:

1 – نص كيلو من التمر بدون البذر.

2 – 4 ملاعق كبيرة من السمنة البلدي أو الزبدة.

رشة محلب ناعم.

طريقة التحضير :

1 – منجيب السميد ومنحطو بطنجرة كبيرة و يضاف إليه الدقيق و السكر والمحلب ويخلط جيداً، يضاف السمنة البلدية إلى خليط السميد وبتفركيه منيح بين اديكي وبالأصابع حتى ينخلط منيح منيح

2 - بترشي ماء الورد وماء الزهر على خليط السميد وبتخلطيه بأطراف اصابعك بدون ما تعجنيه .

3 - بتغطي الطنجرة وبتخليه على جنب لمدة ست ساعات حتى يتشرب السميد بالسمنة وبماء الزهر وماء الورد.

حشو الجوز:

1 – بتنظفي الجوز من القشور لحتى يصير نظيف وبتفرميه فرم ناعم .

2 – بتحطي السكر على الجوز وبتخلطيه .

3 - بتحطي ماء الورد إلى الجوز والسكر وبتخلطيه منيح.

حشو التمر:

1 - إذا كان التمر جاف بتفرميه فرم ناعم بعد ما تشيلي بذوره أما إذا كان طري ورطب فا مالك بحاجه لتفرميه .

2 - بتحطي 4 ملاعق كبيرة من السمنة أو الزبدة بطنجرة على نار هادية.

3 – بتحطي التمر والسمنة وبتحركيه على نار هادية لحتى يصير طري ومتماسك لحتى تئدري تعجنيه ويصير طري بين اصابيعك.

4 – بتطفي تحتو وبتحطيه على الطاولة لحتى يبرد.

5 – بتعجني التمر مع المحلب لحتى يصير كتلة متماسكة.

6 – بتقطعي التمر لقطع صغيرة حسب حجم القالب الي عندك.

7 – منذوب الخميرة بالماء الدافئ وبتركيه لمدة 20 دقيقة.

8 – بترشي السميد بمزيج الخميرة وكاسة الماء وبتفركيه بين كفك بدون ما تضغطي عليه ابداً لمدة 10 دقائق وبتغطيه وبتخليه لمدة ساعة.

9 – بتفركي الخليط بين اديكي لحتى تشوفيه صار متماسك.

10 – بتخلطي الجوز والفستق بالشربات وماء الورد .

11 – بتقطعي عجينة المعمول لقطع صغيرة بحجم حبة الجو او حسب القالب الي عندك .

12 – بتحطي كل قطعة عجين توضع كل قطعة عجين في باطن اليد اليسرى وتحفر بأصبع اليد اليمنى بحيث يجوف داخل العجين بالتساوي.

تحشى بملعقة صغيرة من خليط الجوز أو الفستق ثم ترد أطراف العجينة فوق الحشوة بخفة.

توضع القطعة في قالب المعمول سواء الخشب أو البلاستك ويضغطي عليها برفق.

تضرب حافة القالب على حافة الرف أو الطاولة حتى تسقط حبة المعمول من القالب.

تصف قطع المعمول في الصينية المعدة للخبز وترك مدة ساعة.

في هذه الأثناء تحشى أقراص التمر بالطريقة نفسها.

يحمى الفرن مدة ربع ساعة إلى درجة (450) ف.

يخبز المعمول في الرف العلوي من الفرن مدة عشر دقائق أو حتى يصبح لونه ذهبياً.

بعد أن يبرد المعمول بالجوز قليلاً ينثر السكر الناعم فوقه ويترك ليبرد.

ملاحظة :

الكميات المذكورة لعمل 60 معمولة بالجوز و40 معمولة بالتمر.

وبالنسبة للبتيفور بالقشطة بنفس الطريقة بس بدون حشو البتفور اي شي غير القشطة الطريقة انك بتجيبي قالب القشطة الي بيجي متل كيس وراسه مبوز وبتعصري بداخله بدون ما تتشق البتفور وبعد ما تطالعيه من الفرن بتخليه ليبرد لانو ما بيتاكل الا بارد .