المشاركة الأصلية كتبت بواسطة منى م (المشاركة 3119951)

الله يعيني والله أني أكتشفت شغلات فيها خراب بيوت وبما ان محد يعرفني بطلع اللي في قلبي تخيلوا وحده معاي بالدوام جهازها خربان وخذت جهاز ولد أختها ودقت على البيت وقالت لبنتها تراني ماخذه جهاز فلان بلغيه لايدوره وقاعده اسولف معاها منو هذا قالت ولد أختي نايم عندنا وسهران ماراح يقعد الا بالليل وبنتي مسخنه وجهازي خرب وخذيت جهازه المهم انها قاعده تتعبث بالاستديو ولا اتقول لي شوفي الخايس مصور صديقته وهي ترقص وآنا رافضه اشوفها وقلت لها حرام امسحيها وستري على البنت وقالت ما أعرف امسح وخذيت الجهاز عشان امسح وانصدم تطلع البنت حماتي اللي طول وقتها تتكلم بسمعة الناس ومسحت الصوره ولي يومج محد عرف حتى صديقتي ماقلت لها ولا اي شخص يدري شفتم شلون انها حقيره عاد زوجي له مركز اجتماعي بين الناس ومتدين وبالآخر اخته تكون جذي والحمدلله من ستر عن مسلم ستر الله عنه في الدنيا والآخره

المشاركة الأصلية كتبت بواسطة منى م (المشاركة 3122246)

تسلمين حبيبتي على الرد بس انتي ليلحين مو عارفه هالنوعيه لو بقول لها بتصارخ وتلم البيت علي وتلاقينها تتبلى علي وتقول اني قاعده اتكلم بشرفها طبعا محد راح يصدقني وراح تحقد علي وتحاول تتبلى علي خاصة عندها سوابق لأنها كانت أول ايام زواجي حاطه لي جهاز تسجيل وصدفه عرفت يعني اهي من الاول تبي تمسك علي شي بس الحمدلله في ناس من هالنوعيه سوي معروف وارميه في البحر