السعوديه ’’’
سعودي وافتخر بارضي ولا ني بالفخر مغرور
الى من قيل لي وش ديرتك قلت السعوديّه رفيع الراس بافعالٍ حقيقه ما تعرف الزور تسطرها تواريخ الفخر صفحات ورديّه كتبنا المجد بعد المجد سنينٍ ماضيه ودهور على صدر الزمن مكتوبةٍ بحروف ماسيّه لنا الماضي لنا الحاضر لنا مستقبلٍ من نور لنا التأثير في الدنيا بصماتٍ حضاريه من الإسلام منبعها فمنهاجه لنا دستور على درب الموحّد صادق الأفعال والنيّه ابو تركي سليل المجد نور الكون في الديجور ومن بعده رجال ارواحهم للدار مرهيّه توحدنا بعد كنا ضحية جهلنا والجور وصرنا كلنا اخوه نعيش بكل حبيّه من الآمر إلى المأمور منهجنا الإخاء والشور على درب التساوي والعدل باوضاع مرضيّه وقدوتنا رجالٍ لاجلنا لو داسوا المخطور يبون الدار مثل الشمس في الأكوان مرئيه والى من بانوا الحسّاد واللي بفعلته ماجور يبان الجد وقت الجد بافعال النداويه لتبقى ديرتي رمز الرخاء تحيا امن وحبور بفضل الله وفضل اللي رعاها بكل حنيّه ابو متعب ابو كل الشعب في برّها وبحور اذا ناموا بقى ساهر لتبقى الدار محميّه عزيز النفس متواضع ولا يرضى بحني ظهور ولا تقبيل يدّينه من اللي جاه لتحيّه حماك الله يابلادي لتبقي حصنا المعمور تعيشي لو فنينا كلنا نفدي السعوديه |
رد: اهداء لكل سعوديه
قمه في الروعه يسلموؤوؤو قلبي
|
رد: اهداء لكل سعوديه
|
رد: اهداء لكل سعوديه
مين حبيب الشعب غير ابونا عبد الله مشكورههههههه
|
رد: اهداء لكل سعوديه
وه وه فديت السعودية
لباآآك والله فديت بلادنا ارض العز والكرم تسلمين والله |
الساعة الآن توقيت السعودية الرياض و الدمام و القصيم و جدة 01:05 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.