ازياء - فساتين سهرة و مكياج و طبخ - كيكة البرقوق مع الزبيب

المقادير

كوب سمن على زيت ممكن تستعملى المقدار كله سمنة
نص كوب سكر
نص كوب عسل اسود
نص كوب لبن
3 كوب دقيق
4 بيضات
كيس فانيليا
2 معلقة كبيرة بيكنج بودر
2 معلقة كبيرة زبيب
4 وحدات برقوق اتنين منهم مقطعين مكعبات واتنين شرائح ونرش عليهم معلقة سكر ونسيبه حوالى ساعة
عشان يبقى عامل زى الكمبوت
اول حاجة نشغل الفرن على 180
و نبطن الصينية ونرش عليها معلقة عسل من المقدار اللى عندنا
وبعدين نرص شرائح البرقوق ونوزعها فالصينية
نبدأ بضرب البيض مع السكر والفانيليا
لحد مايبقى عامل زى الكريمة ويتضاعف حجمه
نضيف كوب السمن والزيت
ونضرب تانى لغاية مايتجانس الخليط
نضيف العسل
ونضرب
نبدأ نضيف الدقيق ومعلقة واحدة من البكينج بودر والمعلقة التانية هنضيفها فالاخر
وبعدين الزبيب
وقطع البرقوق
ونخلطهم لغاية ما يختفى الدقيق
نضيف اللبن ونقلب
ومعلقة البيكنج بودر التانية والخطوة دى بتدى هشاشة للكية
وده بيكون قوام الخليط
نحطه فى الصينية وندخلها الفرن حوالى تلت ساعة او حسب الفرن عندك