ازياء - فساتين سهرة و مكياج و طبخ

من علمك شرح المشاعر بلا بوح
ياللي سكوتك للتخاطب وسيله

بعض الكلام احياناً يسبب جروح
لذا يكون الصمت فيها فضيله

محلا النظر للعين ومخاطب الروح
بالعين ياراعي الرموش الضليله

الناس قالو راعي العشق مفضوح
لويخفي العشق بنهاره وليله

العين تشرح ماتخفيه بوضوح
واللي اقوله في عيونك دليله

لو عشت عمري قد عمر النبي نوح
سخرته لربي وثم للجميله

اهواك كلمه مابها شك مزوح
اهواك واهوى ديرةٍ تنتمي له

واللي كتب خافي المقادير باللوح
غلاي تتعب ماتلاقي مثيله

في نظرتك شوقك ولو ماتبي تبوح
شافوا غلا وائل بعين الجليله

لغة ولا تبغى تفاصيل وشروح
راعي الهوى يفهم نواظر خليله

بعض العيون عتابها يشبه النوح
تبعث لك بنظره عتبها تشيله

وانتي عيونك داخلي تبني صروح
ثقيل مبناها وانا ازريت اشيله

مسكانك بقلبي لك القلب مفتوح
محتاج اشوفك من سنينٍ طويله

يابنت شيخ بطيبه دلاله تفوح
وقبيلتك والله ونعم القبيله

ابوك واخوانك دوا كل مجروح
لذلك انتي يالأصيله...اصيله

انتي خطاك بحق مغليك مسموح
لأنها الغلطات منك قليله

وصفك شموخ وصافي الوجه مملوح
وإشراق بخدودك وعينك كحيله

ماقلت لي يامالك العقل والروح
من علمك تشرح بهذي الوسيله
مما راق لى