ازياء - فساتين سهرة و مكياج و طبخ - عروس ومحتاجة نصايحكم

- - عروس ومحتاجة نصايحكم (https://fashion.azyya.com/227450.html)

عروس ومحتاجة نصايحكم

السلام عليكم ورحمة الله وبركاتة

حياكم الله تو ما نور موضوعي

ياهلا ومرحبا

انا اختكم الصغيرة وابي مساعدكم .......

بنات انا عروس وعرسي قريب انا متزوجة ولد عمى
المشكلة اللي عندي ان ام زوجي مسيطرة على زوجي حيل فوق ماتصورون يعنى ممكن تقول طلقها وينفذ ولدها اللي تبية يعنى الولد سكانة امة صح ولا غلط ما عندة راي وشخصية ضعيفه جدا وامة من تحت لي تحت وبنتها نفس الشى انا انشالله اذا سكنت معاهم راح اتقرب من امه واخذها بسياسة عشان اتجنب المشاكل بس انا اللي ابية نصايحكم لي ابي الولد يتعلق فيني ابيه يحبني ويحترمني وياخذ براي يعنى قصدي اخاف يدخل امة في حياتنا يعنى ابي اي طريقة مثل الموضوع الحلو اللي حاطتة ام ورد عن اتعودين زوج بحركة معينة عشان ما يستغني عنك والموضوع هذا شدني ودي اعرف اكثر اذا في طرق او اساليب وابي اعرف شنو يكون اسلوبي معاه يعنى اشلون اعودة ان يكون لنا خصوصيتنا لازم امك ما تتدخل فيها وام زوجي للعلم راعيت مشاكل وتحب السيطرة حيل وتحب تدخل نفسها بحياتنا ومن الحين الله يستر منها بس والله محتاجة للنصايح تكفون لا تبخلون على ناطرة الردود اللي تبرد الجبد وتكفون اللي ما عندها شى تقولة تدعيلي وترفع الموضوع انا محتاجة خبرتكم في هالمواضيع ومابي اطول عليكم ..........

((لاله الا الله عدد ماكان وعدد ما يكون وعدد الحركات والسكون ))

رد: عروس ومحتاجة نصايحكم

lhoooob khalih yhibikk dali3ih ohibih o sawi li ygolo o rah tchoufin

رد: عروس ومحتاجة نصايحكم

يسعدنى مرورك راح ادلعة انشالله عشان يحبني واسوى اللي يقول علية انا ابي اشياء عملية اطبقها يعنى افعال غير الدلع يعنى حركة معينة اعودة عليها وتاثر فية بس ابي نصايحكم

رد: عروس ومحتاجة نصايحكم

هلا حبيبتي

لاتحطين في راسك انك داخله حرب مع اهل زوجك

الزواج راحه نفسيه وسكينه لكي يالغلا ولاتشيلين همهم ابد

اولا يالغلا عودي زوجك بافعالك مو بالاوامر الكلاميه

يعني حاولي من اول يوم تدلعينه لاتنادينه باسمه دلعيه حسسيه انو عايش في حلم جميل ومستحيل يصحى منه

ثانيا والاهم عوديه على التقبيل قبل مايروح اي مكان
يعني رايح الدوام اعطيه بوسه وادعي له بالتوفيق ان شاء الله وهو رايح المسجد بوسيه وادعي له بالتوفيق

ثالثا حاولي وقت مايكون موجود ند اهله وضحي له انك تحبينهم قومي ساعديهم واضحكي وسولفي معاهم

وتغابي عن اي حركه يحاولون يسونها لك او كلمه سمعتيها

اذا تعلق فيك مستحيل يسمع كلام اهله

انا الحمد الله زوجي اهله انصدمو فيه كان مثل خطيبك يالغلا والحين له كلمه ومحد يقدر يفرض عليه راي

اهم شي حاولي تسوين مثل ماقلت لك واهم شي ادعي ربي يوفق بينكم

رد: عروس ومحتاجة نصايحكم

ياحياتي يا ام ورد تسلمين على النصايح وانشالله بطبقها