لازالة اثار الحبوب ويوحد لون البشره ويفتحها 100
 

لازالة اثار الحبوب ويوحد لون البشره ويفتحها

السلام عليكم


انا اليوم جايبه لكم قناع روعه مره . وعن تجربه شخصيه وللحين استعمله


طبعا كنت اعاني من اثار الحبوب والي كانت تخليني احيان استخدم كريم اساس اغطيها


الحين خلاص صار ما يحتاج ولا شيء

احط مكياج طبيعي مرره وبدون ما اغير لون وجهي بكريم الاساس واحط طبقات بس احمر خدود مباشره وكذا اشياء بسيطه وناعمه وما يحتاج كريم اساس
طبعا انا قريت عنها بمنتدى وحده كانت مخطوبه وقرب زواجها وفعلا جربتها وعجبني التاثير مرره

القناع الاول

جيبي حبة بطاطس واسلقيها وبعدين حطيها بالخلاط مع كاس حليب وانا شخصيا استخدم حليب نيدو

والكل يعرف وش فايدة الحليب

القناع عجيب خلى ملمس بشرتي حرير ونفس الي كتبت الموضوع قالت انه ما يبين تاثيره الا ثاني مره وفعلا تاثيره يبين من ثاني مره

وانا صرت استخدمه بشكل يومي لمدة اسبوع والكل مو بس تفاجا انبهروا يوم شافوا وجهي كيف تغير وراحت كل اثار الحبوب وغيرانه بيض ونور وايد وايد حتى اطالع بالمرايه واستانس


في شيء مهم الكميه هاذي اول مره سويتها حسيتها وايد ع الويه تكفي وياش ناس ثانين وتزيد بعد
وانا احب استخدم هالاشياء فرش فعشان كذا كل مره خذي بقدر حاجتك من البطاطس وسوي نفس الكميه الي تناسبها من النيدو

واهم شيء غسلي ويهج زين بس بدون فراك ولا شيء لانه بيكون عليه طبقه زي الشمع اذا ما غسلتينه زين

جربوه وراح تنبهرون . بس لازم تصبرون عليه ثاني مره يبين فرق شوي بس كم يوم شوفي بسيصير ويهج جنان

نسيت شيء انه القناع تحطينه ل 20 دقيقه
منقول للإفادة

رد: لازالة اثار الحبوب ويوحد لون البشره ويفتحها 100
 

رد: لازالة اثار الحبوب ويوحد لون البشره ويفتحها 100
 

رد: لازالة اثار الحبوب ويوحد لون البشره ويفتحها 100
 

كتير حلو

رد: لازالة اثار الحبوب ويوحد لون البشره ويفتحها 100
 

جزيل الشكر على الموضوع