ازياء - فساتين سهرة و مكياج و طبخ - سواليف البنات بالطابور...

تعالو نشوف سواليف البنات بالطابور...

الاستاذه... ليش ما ترددين تحية العلم ؟ أبلة حلقي تعورني .>> ههههه ومن الجهة الثانية صوتها و سوالفها واصل لآخر صف ..

ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة ..

ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!
و طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .هههههههههههههه

وما ننسى حركة التنقلات المستمرة .. مثلاً فلانه الدبا لما كانت بالمتوسطه كل يوم تتنقل من طابور الى طابور غيرها حتى يمكن طابورها ما تعرف مكانه.

اما البنات اللي مبققات عيونهم على الأبلوات في الصباح..

وين أبله ميلك.. مل ؟واقفة جنب العمود ...أكيد غايبة اوكي الحصة الأولى فاضيين . يا سلااااااام

وين أبله"الجزاء من جنس العمل ؟ هذي عندها مناعة طبيعية ماتمرض عشان ما تغيب هي و وصحبتها بقره الطخ(مريام فارسالجديده)...

وين أبله الحجم العائلي ؟ اوف كمان جاية .. لا وتشوف علي كمان شافها ملك الموت " عزرائيل " اليوم قولو آمين

شوفوا معلمة عطيات تنورتها تحفة .. خيالية.. آخر موضة .....من وين اشترتها ؟

عاد معلمة دراكولا مشترية دمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .

والحين قبل لا نخلص نشوف سوالف الدلوعات :
أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .
تدرين مع من سولفت أمس بالشات ؟مع لبناني وحاط صورته يمة يذوب ... شعر اشقر و عيون خضرا .

و نخلص بالبنات اللي اختصاصهم الحش عاد هذا مايبغاله فن وهندسه +تكتيك لعيبه ههههههااي :
شفتي فلانة امس فاتحة شعرها كنه خرطوم حريق.
ولا علانة اللي كانت عايشة في ماليزيا اليوم جايه بقميص صوف والحرار 40 درجة غبية وحدة .
ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .
و في النهاية تجي معلمة قلم ماشي و تقول : وين انتوا في سوق سمك ؟ وحنا نقوم نضحك كالعادة ...
ولازم كل سبت واربعاء أنا واماني وباقي الشله عند المديره" دايما نلبس كوتش رياضي وهذا ممنوع "
وبعد اسبوعين استدعاء للطرد وهذا المطلوووووب..

تحياتي
انشششششششششششششششششششششششاءالل ه يعجبكم موضوعي