ازياء - فساتين سهرة و مكياج و طبخ

السلام عليكم يا نحيفات المنتدى
نهار السبت اللي فات طبقت الوصفة ديال الاخت زكية اللي كانت شاركت بيها في المسابقة
و النتيجة فاقت كل توقعاتي
درت حنيكات و تزاديت شي 5 كيلوغرام
هادي ماكملاش اسبوع باش بديت الوصفة و الله على ما اقول شاهد اللي كيشوفني كيقول لي راه بان فيك التغيير
يلاه متعجزوش راه المقادير رخيصة و سهلى و في المتناول و ما فيهاش ريحة الحلبة اطلاقا
كل الشكر لكي غاليتي زكية
راها كانت شاركت بيها في المسابقة و الوصفة كالتالي
غتشدي حفنة ديال الحلبة و دريها في كوكوط مع الماء
و تشدي الكسكاس و ديري فيه مقدار ديال نصف كيلو ديال الشريحة و تسدي على الكوكوط و خلي الشريحة تفور مزيان و متطفي عليها حتى تقلبي واش الحلبة طابت مزيان او لا
من بعد صفي الحلبة من الماء و عجنيها مع الشرحة المفورة
انا درتهم في الماكينة ديال المطيشة باش نربح الوقت و في الاخير ديري الخليط في قرعة ديال الزجاج و اختفظي بيهم في الثلاجة
و الله ايلة الرائحة ديالها و هي كطيب زكية كتشهي و مكيناش ريحة الحلبة نهائيا و انا كناكلها و كنمشي نقرا و حتى حد ما شم فية ريحة الحلبة
و الوصفة زيادة على ذلك كتنشط و كتوقظ
الله يرحم من رباك يا زكية اختي لهلا يخطيك علي
منقول ومجرب شخصين