بسم الله الرحمن الرحيم
انا فعلا اكتر واحده اقدر اقول لكل واحده زعلانه على تأخر الحمل انها تعرف ان كل شىء بيد الله سبحانه وتعالى
انا اتجوزت من سنه ونصف تقريبا وبعد سته شهور حملت
وصلت للشهر الثامن بعد معناه مع الصديد فى البول بس الحمد لله
وللاسف فى الشهر الثامن نزلت مياه من جيب الميه
ورحت للدكتور واكتشفت ان مفيش نبض فى الجنين
وبعد دخول المستشفى وعمل التحاليل اللى طلعت كلها سليمه
الدكتور ولدنى طبيعى بعد معاناه 6ساعات طلق صناعىالحمد لله
وفى ساعه الولاده اكتشف الدكتور سبب الوفاه
وده سبب غير طبى دى اراده ربنا ان الحبل السرى التف حول رقبه الطفله
لما كانت بتعدل وضعها استعدادا للولاده
وانه لايمكن الدكتور انه يعرف الا لما النبض يقل
وانا كنت عنده فى الميعاد الدورى وكانت الحركه سليمه جدا
طبعا دى كانت اول طفله ليه فمكنتش اعرف يعنى ايه حركه
واساسا حركتها فى بطنى كانت ضعيفه بالرغم ان كل مره لغايه قبل الولاده باسبوعين الدكتور يقول ان حركتها كويسه جدا
بس الحمد لله على كل حاجه
ربنا بيهب فى الوقت اللى بيبقى مكتوب للانسان
انا حاليا زوجى مسافر بره
بس انا عايزه اعرف لو حد مر بتجربه زيى يقولى ؟؟
وفعلا ربنا هوا اللى بيرزق فى الميعاد المناسب
يعنى محدش يأس من رحمته الله
سبحان الله انا صحبتى حصلها حاجه تقريبا شبه كده بس ولدت فى السابع والطفل توفى بعدها
بس الحمد لله ربنا رزقها بنونو جميل الحمد لله
و يا ريت تدعوليى بالخلف الصالح السليم المعافى
اللهم هب لى من الصالحين
اللهم امين يا ارحم الراحمين