ازياء - فساتين سهرة و مكياج و طبخ

بسم الله الرحمن الرحيم
السلام عليكم كيف عاملين ياحبيبات المنتدى الغالي

اليوم جبت ليكم كيفما العادة طريقة جديدة في طبخ الدجاج بالنسبة للي ما عندهاش الوقت دائما بحالي

المقادير:
- دجاجة أو 1/2 دجاجة مقطعة الفخاد بوحدهم والصدر بوحدو وجناوح بوحدهم
- زعفران مكعب
- إبزار
- سكين جبير
- خرقوم عرق
- ثومة
- سمن أو زيت العود
كيفما لاحضتو أني نقصت الملح لأن مكعب الزعغران مالح بزاف

الطريقة:

تناخدو الكوكوت الي غادي نطبخو فيها ونعملو ملعقة سمن أو 1/2 كأس زيت العود + العطرية كاملة+ الثومة محكوكة ونحركو الشرمولة مزبان وندهنو الدجاج مزيان ونسدو عليه الكوكوت ونوضعو صفارة على نار جد مهيلة مدة ربع ساعة وحتى 20 دقيقة ملي نفتحو الكوكوت غادي نلاحظو أن الدجاج طلق الماء ديالو وتحمر بلا فران. وديك الساعات رافقيه بطاطا مقلية وزويتينات وشليضة إلى بغيتي.

نتمنى تجربوها هذه هي طريقتي في طبخ الدجاج المزروب ههههه وتاتجي أكثر من رائعة.

تحياتي لكل من مر من هنا