ازياء - فساتين سهرة و مكياج و طبخ - جربت الكيوي والموز وشوفوا ايش صار

السلام عليكم حبيباتي ...

والله ماتصورا قد ايش حبيتكم من قلبي ربي يسعدكم..

ويحقق امانيكم..

قبل يومين سمعت بخلطة الموز والكيوي ..

وحطيتها في شعري .... ربع ساعه بس زي ماعبد الباسط قال ..

وغسلت شعري ...

وشوفو ايش صار

ماشاء الله ماشاء الله لاقوة الا بالله ..

نعومه غير رغم ان شعري ناعم مره..

وصار شعري خصل وكانو مستشور وفعلا طلعت نشفته بس ورفعته فوق ..

ونشفته بالمجفف من بعيد بس وفكيته والله روعه قليل عليه الحمدلله ..
صار يلمع وحيوي ...

انصح اي وحده تبغى شيء سريع لشعرها تستخدمه بس حذاري لاتزيد عن الربع ساعه ..

واللي مو عارف الخلطة...

هي عباره عن :

2 موز من غير القشر

وحبه كيوي من غير القشر

تحطينها في الخلاط من غير اي اضافات ..

وللامانه انا رفضت معي تنخلط قمت حطيت مويه شويه نص الفنجان .. وبس

وادهني شعرك به كله من الجذور .. وانتهى ..

ربي يسعدكم ادعولي ربي يحقق مرادي ويطول شعري ...
ولا تنسوا الاستغفار والبسمله في كل شيء ..

للامانه منقول
بس انا جربتها وربي يابنات روعه انا شعري لاهو ناعم مره ولاخشن وقلت ماراح انزل الموضوع إلا لما اشوف النتيجه ...
ومابي غير دعواتكم لي ان الله يوفقني ويحقق اللي بالي ...