ازياء - فساتين سهرة و مكياج و طبخ - طريقه عمل الفسيخ او السمك المملح

السلام عليكم ورحمة الله وبركاتة

اخواتى البنوتات وسيداتى ربات البيوت اليوم جيبت لكم اكثر من طريقه للسمك المملح وهو (السرين او الفسيخ ) باكثر من طريقه
وهى مجربه وغايه فى الجمال
ويلا نبدا على بركه الله

الطريقة الأولى

- اول خطوه ..
تجيبى السمك البورى وتغسليه كويس وخاصة الخياشيم وتسيبيه يتصفى 3ساعات .
- تانى خطوه..
تجيبى قماش يشرب الميه وتلفي كل سمكه لوحدها وتسيبيه للصبح
- تالت خطوه..
تسخنى الفرن وتطفيه وتحطى السمك وهوه ملفوف 2 دقيقه
وتطلعيه تانى وتعملى كده مرتين كمان لغاية ما تحسى ان مفيهوش ميه .
- رابع خطوه ..
تجيبى الملح وتحشى خياشيم السمكه كويس بالملح وتلفيها بملح
وتكونى محضره كيس جامد ترصى فيه السمك وتقفليه كويس
وتحطى الكيس فى علبه محكمه وبعد 4 ايام تفتحى العلبه وتقلبي
الكيس وكل يومين تقلبى الكيس على جنب تانى لمدة اسبوعين
على الاقل وبالهنا والشفا

الفسيخ علي الطريقة السودانية

المقادير:

فسيخ، بصلة متوسطة مقطعة شرايح رفيعة،م ص ثوم مفروم،
م ك صلصلة، قليل من الزيت،فول سوداني مطحون،
فلفل اخضر، فلفل اسود، كزبرة، عصير طماطم، عصير ليمون

الطريقة:
- يغسل الفسيخ جيدا ثم يفرم بالمفرمة اليدوية
للتخلص من الشوك

- يشوح البصل والثوم في الزيت

- حتى يذبل البصل ويميل الى الاصفرار

- يضاف الفسيخ الى البصل ويقلب

- ثم يضاف الفلفل الاخضر بعد نزع البذر

- يضاف عصير الطماطم والصلصة يقلب

- يترك علي نار متوسطة لمدة 20 قيقة او حتى ينضج

- يذاب الفول السوداني ثم يضاف الى الفسيخ

- تضاف البهارات وعصير الليمون وقليل من الثوم ويقلب جيدا

- يغطي القدر ويترك على نا هادئة لمدة 5-7 دقائق

- يقدم مع الخبز والبصل الابيض والشطة

- ويمكن ان يقدم مع القراصة السودانية

طريقه الشيف الزنارى لعمل الفسيخ في المنزل

المقادير :

- 2 كيلو سمك بورى

- كيس ملح
- 2 ملعقه كبيره شطه
- ورق لورا

الطريقه :

- نغسل البوري ونظفه ونتبله بالملح والشطة
ويترك في مصفاة لمدة 4 ساعات في الشمس ( مع مراعاة النظافة )

- نفتح البوري ونحشى الخياشيم بالملح والشطة

- نحضر شنطه أو كيس نايلون ونضع فيها السمك المملح ونرش كميه من الملح والشطه ورق اللورو على باقى جسم السمكه ونقفل الشنطه جيدا

- ثم نضعها فى شنطه اخرى ونقفلها جيدا ثم نضعضها فى علبه بلاستيكه ونضعها فى مكان جاف ( ممكن فى دولاب المطبخ من تحت ) ولا نفتح العلبه لمده شهر حتى يتم التمليح

وبالهناء والشفاء
طريقة عمل الفسيخ

- اى كمية من السمك البورى
- ملح خشن

- لازم لازم لما تجيبى السمك البورى للتفسيخ ميكنش السمك اتحط فى الثلج قبل كدة و لا اتحط فوقة ثلج والا مش حينفع يتفسخ ولذلك لما تكونى عايزة تعملى فسيخ بتطلبى من يتاع السمك انه يجهزلك سمك ما تحطش فى الثلج يعنى بيبقى من مياة البحر مباشرة وهو بتاع السمك بيجبهولك وبيبقى عارف

الطريقة

تجيبى السمك وتحطية زى ما هو على قفص او فى مصفاة تغطية بشاشة علشان الشمس تدخله وتحطية فى الشمس لمدة يومان كاملين او لحد ما تلاقية ورم واتنفخ تماما وحتلاحظى انه نزل المياة والدم بتوعه تماما
تشيلية و تجيبى الملح الخشن وتبتدى تحشى بيه كويس الخياشيم بتاعة السمك و تجيبى الملح و تمشى بايدك على السمكة من تحت من عند الزيل لفوق عند الراس وتدخلى الملح كويس بين القشور بتاعته تماما
وتشيلى السمك فى صفيحة او شوالبلاستيك وترصية بجانب بعضة راس وزيل وبعدين ترشى ملح علية كويس وترصى برضة السمك راس وزيل يعنى خلف خلاف وترشى ملح على وشة كويس وتلفى الشوال كويس قوى قوى و تربطية بحيث ما يدخلوش هواء تماما او تلفية فى قطع قماش كتيرة تماما وتحطية فى اى مكان بعيد عن الهواء لمدة 10 ايام او 12 يوم وبعدها يكون الفسيخ جاهز

وبالهنا والشفا

http://http://www.m5znk.com/up3/uplo...e19c2cf143.jpg

اما السردين المخلل
السردين المخلل يختلف عن الفسيخ ، فالفسيخ يكون من البورى ، أما سمك السردين فيمتاز بحجمه الصغير و طعمه المختلف عن الفسيخ و هو يماثل طعم الأنشوجه .

المقادير :-
كيلو سردين - كوب ملح

الطريقة :-
يترك السردين خارج الثلاجه حوالى خمس ساعات ثم يغسل واحدة واحده ويوضع فى مصفاه لمدة ساعة ثم ترش طبقة من ملح فى علبه بلاستيك و ترص طبقة سردين و طبقة خفيفه من الملح ، وأخر طبقه يرش عليها ملح زائد حتى لا يظهر السردين وأتركيه خارج الثلاجة لمدة يومين ... ثم أنتشليه من الملح و يعاد رصه مرة أخرى فى علبة للحفظ ، وضعيه فى الثلاجه ... ويمكنك الأكل منه فوراً و بالهناء والشفاء

بالف هنا وعافيه

دومتم بود
ليالى العمر