ازياء - فساتين سهرة و مكياج و طبخ

كلينتون استعان بمستشارى انتخابات مصر فنجح مبارك فى أمريكا!

«عز» ل«جمال» بعد الثورة: «أبوك غلط غلطة عمره.. باع البلد ونسى يبيع ميدان التحرير»

مواطن: «أنا بعت بيتى علشان أوظف ابنى ماتوظفش».. مبارك: «أنا بعت مصر علشان أوظف جمال ماتوظفش»

قبل التنحى: مكاسب الثورة المصرية: إقالة الحكومة الأردنية، رفع قانون الطوارئ فى الجزائر، إعلان الرئيس اليمنى عدم ترشيح نفسه للرئاسة، قمع الشعب السورى قبل ما يفكر يثور، وبقاء الرئيس المصرى ولا كأن حاجة حصلت.

مبارك شاف حشود ميدان التحرير فسأل صفوت الشريف: إيه الحشود دى؟ صفوت: «دى من أجلك أنت ياريس»
.
واحد بيسأل الثانى: إذا انتصرنا على النظام حيحصل إيه؟رد عليه الثانى: حنلعب مع تونس فى النهائى.

مبارك لأنس الفقى: إزاى مش عارفين تتعاملو مع عقل العيال دول؟ فرد أنس: أصل العيال دى مخها متفيرس ولازم تغيير النظام كله.

قبل التنحى بيومين: مبارك يأمر كل القنوات الفضائية أن تذيع أغنية هشام عباس: هتقولى امشى مش هامشى.. هتجيبلى حد يقولى امشى مبمشيش.

مراسل أجنبى سأل مبارك قبل التنحى: الشعب يطالب بالرحيل
رد مبارك: اللى عاوز يرحل يرحل حد ماسكه؟

مع تزايد طلبات التنحى كانت نكتة تقول: مبارك يعلن: وفاء منى لمصر ورغبة فى تلبية طلبات الشعب لن أرحل حتى أحقق مطلب الشعب فى القبض على السفاح ومحاكمته.

بعد مظاهرات يوم الغضب استدعى مبارك وزير الداخلية حبيب العادلى وبخه: منعت الحشيش يا فالح أهو الشعب فاق