ازياء - فساتين سهرة و مكياج و طبخ - اختاري رقم واعرفي 00ms

اليوم جايبة لكم موضوع وايد حلو انا راح اكتب الارقام وفي ذمتكم اختارو رقم وبعدين نزلو اوكي :-

1 ]

2 ]

3 ]

4 ]

5 ]

6 ]

7 ]

8 ]

9 ]

الحين أنزلوآ :.

اختاري رقم من 1 حتى 9
ويا ويل اللي ما تحطلنآ وش يطلعلهآ >>> بسطرهآ خخخخخخ

[ 1 ]

العاقله !!
لما تفتح ماسنجرها ماتكلم حد.. تنتظر الكل يرحب فيها وهي تبتسم وتقول شكرا..

واذا حد ارسل لها فايل او رابط اغنية حطت له علامة استفهام وتسكت نص ساعه ماتكلمه..

ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.

وضحكتها عبارة عن ابتسامه واذا كانت مبسوطه مرره تحط ثلاث ابتسامات

[ 2 ]

المصلحجيه !!
ماتسلم عليك الا مرة في الشهر.. تدخل عليك فجأه وتحط لك ورده..

مع انها كل يوم متواجده وساكته وتستخدم مشغول في الخارج..

واذا احتاجت مساعدة تجيك وتسلم عليك وتقول وينك من زمان ماشفتك؟ شدعوه ماتسال علي؟

ترى اختي كل يوم تفتح ماسنجري واوصيها تبلغك السلام لاني مشغولة حدي في الدراسة..

لول حلوه الترقيعه هع هع هع

وبعد ماتخلص مصلحتها تقولك عن اذنك بروح اكمل مذاكره واختي بتجلس مكاني لاتكلمها بليز لول.

[ 3 ]

الرسميه !!
ترتب المجموعات الى قسم العائله و قسم الزملاء فقط.. طبعا مافيه قسم اصدقاء..

واغلب كلامها مثل..احترم نفسك ؛ رجاء هذي امور خاصة فيني..

ولما تسالها شخبارك؟ ترد انا بخير وتسكت.. واذا سلمت عليها ترد وعليكم وتسكت..

ولما تعطيها اهداء تقولك شمعنا انا بالذات؟ لول ياحياة الشقا..

واغلب وقتها تقرا مواضيع في المنتديات في قسم الرأي الاخر.. وتعشق برنامج الاتجاه المعاكس.

[ 4 ]

الهبله !!
هذي كل سوالفها ضحك.. وكل شوي تكتب نكته وتضحك لحالها.. وضحكتها طويله تقريبا ثلاث سطور..

واغلب كلامها بالصور.. تستخدم كل صور الماسنجر وغلطاتها الاملائية كثيرة..

وتجمع عدة اشخاص في صفحة واحده.. وتكلم عن ثلاثة مواضيع في وقت واحد..

وتقرا العناوين الرئيسية في الجريدة وتجي تسال عنها..

ينقالها متابعة الاحداث العالمية خخخخخخ.

وكل شوي تغير الصورة الجانبيه.. والنك.. ولون الخط لول.

[ 5 ]

الدفشه !!
تغيب أيام طويلة مدري وين تروح وترجع فجأة.. وكلماتها مثل..

شخبار امك عساها طيبة؟ يادلخ.. انقلع.. ضف وجهك.. ابي فزعه.. لاتزعل من اوخيتك تراني امزح..

ودايم تطيح الميانة.. وثقافتها ماتعدى المتوسطه..

وتفكيرها في البر والتفحيط والدسن وتموت في اغاني خالد عبدالرحمن..

وماتعرف من العطورات غير دهن العود ابوعشرين..

ولو كلمتها عن ماركة قوتشي او ديور بتقولك مقاطعة الامريكان.. وضحكتها زي كذا هع هع هع

وتكتب بلون اسود لانها ماتعرف تغير الالوان هع

[ 6 ]

البطه !!

طباخة ممتازة وتحب تسولف عن الاكل.. ودايم

جوعانه.. ونقطة ضعفها الجالكسي جواهر والاندومي..

وقبل موعد العشا بساعه يكون مزاجها متعكر ودايخه و تسولف من غير نفس..

ولما ينادونها للعشا تقفل الماسنجر بسرعة البرق.. لول

وعادة يكون نكها فراولة الرياض او شوكولاته أنيقة او رمانه مخصرة..

ودائما تتكلم عن تجاربها الفاشلة في الريجيم هع..

مستحيل تشوفها في النهار لان الجو حار..

اوقاتها من العصر و طالع دمها خفيف ومرهفة المشاعر وأقل موقف ممكن يبكيها.

[ 7 ]

البريئه !!

عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر. وكل يوم تسألك كم عمرك؟

تعشق سبيس تون وبينك بانثر و تحب تسولف عن الأزياء والتسريحات..

تتواجد في العصر و المغرب لانها تنام بدريماعدا يوم الخميس طبعا هع شعارها الدنيا حلوة..

احيانا تجيك سكتة قلبية من غبائها ومع ذلك هي الاولى في المدرسه..

لو بلغتها باسرارك بتفضحك في كل المنتديات..

تخاف من الأرنب والقطوه و أي شي يمشي على اربع ارجل..

حتى انت لو تمشي على اربع بتخاف منك هع.

[ 8 ]

الشينه !!

اسمها الحقيقي ساره او حصه او عنبره او رقيه.. ويعايرونها في البيت ام ضرس او الحولا او البطه او ام جبهة..

وتجي الماسنجر تتميلح وتقول اسمي الجوهره أو مشاعل او فاتن او شهد او ريم.. ودايم تنتقد و مايعجبها العجب..

واذا شافتك مشغول انواع الهواش والشتايم واذا عطيتها وجه انواع الصفط والركب تحتار كيف ترضيها..

تعطيها اغنية تقولك ماحب الاغاني.. تعطيها كرت تقولك انا مو بزره قدامك..

تشبه سنفور غضبان كل شي يضايقها وكل شي يزعلها..

تكره اليسا ونانسي وتموت في الطقاقات.. ماتعرف تجامل ولاتمدح الا نفسها..

دايم توصف نفسها بالجمال والرشاقه..

تختار اسماء مثل الدلوعة.. الفاتنة.. الماسة.. أميرة.. الى اخره.

[ 9 ]

المتزوجه !!
هذي ممكن تكون سبب في كرهك للزواج. كل سوالفها عن مشاكل الزواج و غثى اعيالها..

وفجأة تقولك برب وتروح تصايح على اعيالها وترجع

وكل يوم تسألك متى ناوي تتزوج عشان نفرح فيك؟

واذا وصل زوجها للبيت تقفل الماسنجر في وجهك وتطلع من غير لاتقول باي لول..

اوقاتها مختلفه مالها وقت محدد.. وترز صورة اعيالها في الماسنجر ينقالها تحبهم لول.. شعارها يازين حياة العزوبيه

نكها مثل المهمومه.. الجريحه.. المهاجره.. وتحب تسمع الكلام العاطفي وأغاني عبدالحليم..

مزاجها متقلب مره تضحك ومره تبكي واحيانا تنام على الكي بورد هع هع...

و لا تزعلون انتم اللي اخترتوا الرقم
يلا كل وحده تقول ايش الرقم اللي اختارته