الى كل ام احذري من قناة نيكلودين
 

بسم الله الرحمن الرحيم
الى كل ام و كل ابنة و كل ابن
احذروا قناة نكلودين



لانها بصراحة قناه مش محترمة و غير امنه على اطفالنا لوجود بعض المشاهد و الكلمات الخارجة
عن الادب و عن الاخلاق العربية و الاسلامية
هديكوا مثال ...فى كارتون نقريبا اسمه جانجر
كان فيه مشهد ان فى بنت بيطلع لها شعر فى رجلها و كان فى واحدة صحبتها مضطهداها و و كانت بتقولها يا تكتبيلى الواجب يا ما هقول لاصحبنا على الشعر اللى طالع فى رجلك

و كانت البنت بتضطر انها تكتبلها الواجب عشان متفضحهاش
لحد ما البنت اللى طالعلها شعر فى رجلها قالت لاخوها او لواحد صحبها
مش فاكرة المهم انهم قعدوا يدورا فى الزبالة لحد ما لقوه حاجة تنفع تشيل بيها الشعر اللى فى رجلها
و البنت شالت الشعر و راحت المدرسة و زميلتها قالت لها اكتبيلى الواجب و التانية مردتش تكتبهولها
ما خلاص شالت الشعر اللى رجلها ....( شر البلية ما يضحك )


المثال التانى ...
بنت و زميلها كانوا فى الفصل و كان زميلها بيبوسها اه و الله
و دخلت عليهم واحدة صحبتهم و تقولهم دى مش بوسة بريئه او طبيعية ( حاجة زى كدا )
و البنت و الولد اتحرجو ( يا عينى ) و قالو ا لها لالالالالالالالالا دى قبلة بريئة

المصيبة ان كل دا باللغة العربية كمان و الامثلة كتير و الله و فى حب و غرام و اعجاب
و صديقى عازمنى على العشاء فى المنزل و حاجات قلة ادب
اهو دا الغزوا الثقافى اللى بجد
اللى عايزين بيه يخربوا عقول اولادنا و يحطوا فى دماغهم التربية الاجنبية اللى لا تتفق
و بكل المعاير
مع الاخلاق الاسلامية و العربية
انا و الله من ساعة مشفت الكارتون ده و انا استنيت لما ابنى مشى
و لغيت القناه دى خالص
و قولت لاخواتى و لكل حبايبى عشان يلغوها
لان احنا عارفين ان الكارتون واكل دماغ ودلانا جدا و بيتأثرو بيه

يا رب احفظ اولادنا واولاد المسلمين من كل سوء

اللهم ما بلغت اللهم فاشهد

السلام عليكم:7_1_112[1]:

رد: الى كل ام احذري من قناة نيكلودين
 

انا كنت لسة بفكر اكتب موضوع عنها بس انتي سبقتيني
اصلا اختي اللي اصغر مني فخمسة ابتدائي مبتفرجش غير عليها
و لما اقولها تيرها عشان ما بحبهاش او اي حجة تنية مابترضاش بس مش بحسسها السبب اصلا عشان من تعندش فيها
و سعات لما الحجات اللي هي فيها قلة قدب تزيد اقولها اللي عجبك فالقناة المقرفة دي بس هي طبعا مش فهمة قصدي اكيد
و الحلقة بتاعت جانجر الانتي بتقولي عليها بدات احس من كلام اختي انها اتئثرت بيها اوي

ربنا يكفي كل الناس شرها
و اذا تسمحيلي باضافة

رد: الى كل ام احذري من قناة نيكلودين
 

اصلا القناة من كتر ما بقيت غصبن عني شيفاها و اختي قعدة عليها
بقيت عرفة القناة ازاي مشية
و في فقرة اسمها teenage و الكلمة دي معناها مراهقين
يعني قصدهم فقرة للمرهقين
و الفقرة دي كلها مسلسلات اجنبية مترجمة
ناس حقيقية مش كرتون
و من ضمن المسلسلات دي
برنامج اسمه دريك اند جوش
و البرنامج دة بيتكلم عن شخصيتين
جوش واحد تخين مابعرفش يصاحب بنات
و دريك مسمينه مغنطيس البنات و كل يوم ماشي مع بنت
و هم الاتنين اخوان
و في حلقة بصراحة بعدها بقيت عيزة اخنق نفسي و ارمي التلفزيون من الشباك
انا هقول اللي كان فالحلقة عشان تستفيدو و ترعفو انو القناة دي وحشة جدا مع اني الكلامت الهكتبها عمري ما اتخيلت اكتبها بصوبعي بس يلة عشان افيدكم

الحلقة مش مهم كانت اصلها ايه
بس كل الحلقة فيها كل البنات لبسين بيكيني
و مفيش مشهد يعدي من غير ما يكون فيه البنات دول
يعني على الاقل في 150 بنت
انا بقيت عمالة اقول لاختي الصغيرة اقلبي القناة لحد ما اتذبح صوتي
بس ولا هي معاية اصلا

رد: الى كل ام احذري من قناة نيكلودين
 

شكرا على الاضافات الجميلة واختك دي لازم تحاولي معاها بكل الطرق واذا ما نفع معاها احذفي القناة نهائيا وهذا افضل لها

رد: الى كل ام احذري من قناة نيكلودين
 

جزاك الله خيرا

صحيح كلامك 100 ب 100