ازياء - فساتين سهرة و مكياج و طبخ - كيف تجازي الوفا بالخيانه؟؟؟؟؟؟؟؟

:السلام عليكم ياخواتي في أحلى منتدى عندي لكم قصه أخت صديقتي وهي مها كانت مها طالبه متفوقه وخلوقه ومتدينه كملت دراستها الجامعيه كلية الشريعه وآخر سنه لها انخطبت لأبن عمها اللي كانت تتمناه وكان فارس أحلامها بس طبعاكان هالشعور محد يدري عنه غيرها وكانت طايره من الفرحه وبدت تجهز للعرس وما بقى كتاب ما قرأته عن( كيف تكسبين زوجكي,وكيف تكونين أسره سعيده,وكيف تربين ابنائك تربيه سليمه)كل هذا قبل الزواج,وبدت تخط لمستقبلها مع ابن عمها,:11_3_2[1]:وتزوجت وكانت تحاول ترضيه بكل شي وتحاول تكسب وده وهو بالمقابل كان شخصيه قويه وكان مستواه العلمي اقل منها وكان أول قرار بعد الزواج رفض ان تعمل بحجة انه تزوج ليجد الزوجه تنتظره لما يعود من الدوام وتكون فاضيه له وكان شخص شكاك و المسكينه على طول وافقت لأنها ما تبي تزعله واستمرت الحياة بهدوء مو لأنه انسان هادي وطيب بل لأنها هي انسانه مسالمه ولا ترفض له طلب اعتزلت الاهل والاصدقاء لأنه ما يحب كثرة طلعت المرأه وكانت طلعتها زياره بالأسبوع لمنزل أهلها لمدة ساعتين وأحيانا يفاجئها بعد نص ساعه ومنعها من جميع المناسبات العائليه والاعراس بحجة ممكن أحد يصورك ومنعها من الصديقات وبعد ما ملت أنها تحاول تغيره أختارت أن تعيش على نظامه هو واستمرت الحياة 15 سنه انجبت له 5اولاد و3بنات وطبعا كانت بعد كل طفل تحاول تريح سنه كان يرفض وكان دايما يقولها آنا واحد متزوج عشان ابي عيال (ولا هذا صديقي متزوج بعدي وعياله أكثر مني وانتي مافيج خير مثل مرت فلان شوفي عياله شكثر)وكانت المسكينه ماتهتم بصحتها ولا تريح بعد كل حمل خاصة انها معاها سكر وضغط بالحمل وعملت 3قيصريات وكل هذا يهون عندها بس أنه يرضى عنها ,وكانت في اثنين من عيالها تأخرت سنتين من غير موانع ,نفسيتها تعبت من كثر ما كان يضايقها ويحن عليها وكان كله يقول أنا أبي عيال أبي عزوه أبي وراحت لدكاتره وخذت هرمونات وكانت طبيعيه وانجبت آخر حمل توأم أولاد وتعبت المسكينه وكانوا بعمليه تخيلوا المسكينه قبل لا تطلع من الاربعين يصدمها بأنه يبي يتزوج عليها والمسكينه قامت تبكي وتقوله ليش كل اللي سويته لك تكافأني بأنك تبي تتزوج علي عطني سبب واحد ,يرد عليها ويقولها ((أنا بصراحه قبل ما أتزوجك كنت أحب بنت الجيران وخطبتها ورفضوا أهلها وزوجوها ولد عمها وبعدها نسيتها بعد زواجي منكي وانقطعت علاقتي فيهم بعد ما باعوا بيتهم بس من أسبوع شفت اخوها في احدى الوزارات وسلم علي ومع الكلام قال لي ابوه توفى وخواته كل وحده تزوجت وهو متزوج وعنده عيال واخته معاه بالبيت لأنها من زمان تطلقت من ولد عمها واجد اخطبوها بس هي مو راضيه تتزوج ,وهي ضاعت مني أول وما أبي اضيعها اللحين ))وردت عليه وقالت وأنا ما فكرت أضيع منك ورد عليها ((ولله عاد كيفك تبين اظلين على ذمتي معززه مكرمه في بيتك ولا تروحين عند حريم خوانج ضيفه ثقيله مع عيالج ,بعدين هذا حق شرعي حلله الشرع لي تجين انتي وتحرمينه وبعدين أنا بصراحه زهقت أبي وحده فاضيه لي مو وحده كله يا حامل يا والده ,واحمدي ربج اني ما جبتها معاكي في البيت))وتخيلوا بعد ما كان يتهاوش معاها لما تتأخر في الحمل وهو بنفسه يوديها لدكاتره عشان تحمل بسرعه ,اليوم يقول زهقت من العيال وابي وحده فاضيه لي ,المسكينه بكت أيام ,وايام وهو مو داري عنها كان مشغول بتجهيزه للعرس, وتزوج وهي ظلت على ذمته خوف على اولادها لأنهم في سن المراهقه وما راح تقدر تسيطر عليهم وكانت شاريته مو عشانه بس عشان عياله وكان بالأول بيعدل يجيهم يوم وترك وبعدين صار بالاسبوع يوم وهي بعد ما حدتها الظروف الماديه راحت واشتغلت بشهادتها معلمة دين واشترت سياره لأن الزوج عريس جديد ومو فاضي يودي مدارس واللي كان مسوي نفسه غيور خلاها تقود السياره وخلى كل المسئوليات عليها,واللي يشوفها بعد سنه من زواجه عليها يعطيها اكثر من عمرها بعشر سنين ,المشكله اللي تعانيها انها دايما تتحسر على 15 سنه ضاعت من عمرها معاه , وآنا دايما أقولها((انتي ضيعتي 15 سنه من عمرج مع انسان ما يستاهل فلا تضيعين ثانيه وحده من عمرج في التفكير فيه 15 سنه ضاعت وانتهى الموضوع فلا تضيعين باقي العمر في انسان ما يستاهل)) :icon_evil:شفتوا شلون الرجال ما لهم امان وشلون الحب خلاها تتنازل عن اشياء مهمه بحياتها ,واكثر شي كانت تتحسر عليه انها ما شبعت من شوفت امها الله يرحمها بعد زواجها كانت كل اسبوع تزورها ساعه واحيانا يتحج وما يوديها اسبوعين واكثر وكان مانع التلفون بالبيت ,واكيد الله راح يعاقبه على هالقطيعه ,والله يصبرها على تربية عيالها لأنه أخلى مسئوليته منهم ؟وكلمه أخيره لا تثقون بالرجال....:sgsh::sgsh::sgsh: