ازياء - فساتين سهرة و مكياج و طبخ

جيت أسلم يا رفيقي والوله يملي حشاي
وبفؤادي قصة الحب اللي تبعثر من سنين
جيت وكل الشوق فيني ويتحكم في خطاي
ساقني لك يا رفيقي في دروب من حنين

أحمل بكف إعتذاري عن قصوري أو خطاي
سامح اللي دوم حبك لو شمسك ما تبين
يا رفيقي شمس حبك عانقت أرضي وسماي
وأرسمت درب السعادة في متاهات الأنين

وأشرقت أيام عمري وإنتهت قصة أساي
يوم شفتك زال همي وانطفى دمع العيون
التقى قلبي بقلبك بعد ما كنت بعناي
وأمحت كل الطعون وما بقى غيرك يعين

أنت غير الناس حبك يروي العطشان ماي
تنتعش أرض المشاعر وينبت الحب الدفين
تنتشي أبيات شعري لا ذكرت يا هناي
لو نسيتك يا رفيقي دوم قلبك ما يخون

لو وصفتك بالقصايد ما وفيتك يا هواي
أنت غير الناس تبقى في ضلوعي ما تهون
أنقش حروف المحبة من دموعي مع بكاي
تبقى أبياتي حكاية كل وقت وكل حين

https://www.youtube.com/watch?v=aWQUhoL0gzY