ازياء - فساتين سهرة و مكياج و طبخ - نصايح للبشرة الدهنية

مرحبا
كيفكن؟
موضوعي خاص لصاحبات البشره الدهنيه حبيت افيدكن لاني انا وحده منكن وعانيت كثير من بشرتي وحابه اعطيكم نصايح من تجاربي اتمنى تستفيدوا منها
اول شي: انا مانصح بكثره عمل بخار للوجه يعني في السنه 2 او 3 بالكثير لان كثره البخار للوجه يفتح المسامات اكثر ويغمق لون البشره
ثاني شي:انك تعملين لك تقشير للوجه يكون افضل بكثير عشان تتخلصين من الجلد الميت وانا بصراحه استخدم محلول اشتريه من العطار اسمه (محلول بيبي فيس) بس انتبهي تستخدمينه اكثر من 3 ايام لانه رح يقشر وجهك بسرعه واذا قررتي تستخدمينه الافضل تكونين في اجازه اذا انتي طالبه او موظفه
او مايكون عندك مناسبه قريبه لان القشور رح تسبب لك احراجات واذا حبيتي تتخلصين منها ادهني وجهك بزيت الزيتون بس رح تحسين ان بشرتك صارت ناعمه مثل الاطفال
ثالث شي: اشتري طين من عند العطارين وذبيه في ماي دافي وحطيه قناع على وجهك وبس يجف اغسليه بماي فاتر لان الطين يتشرب الدهون اللي في الوجه حتى البثور ويفتح لون البشره ويحمر الخدود ويفضل لو تستخدمينه مرتين بالاسبوع انا شخصيا ارتحت من بديت استخدمه وحسيت بفرق كبير
رابع شي: اعملي قناع من الحليب البودره واللبن وحطيه على وجهك رح تشوفين وجهك كيف ينور وهذا عادي تقدرين تستخدمينه مرتين او ثلاث في الاسبوع
خامس شي: وهو الاهم لاتكثرين حلويات وشوكولا ومكسرات واجسلي وجهك بالصابونه مرتين في اليوم
اتمنى انكن تستفيدوا من نصايحي انا بصراحه كنت اعاني كثير من بشرتي الدهنيه ولونها الغامق بس من سوت كل ذا حسيت بفرق كبير وثقه اكبر بنفسي لان الجميع لاحظ كيف صار وجهي نظيف ومنور