ازياء - فساتين سهرة و مكياج و طبخ

ساره وجرحك ضماد الجرح وعلاجه

الحب الاعمي رمي حالي علي حالك

اربع سنين ياساره والا حاجه

مابات جوالي الا في اذن جوالك

اليوم بكره بعد بكره و نتواجه

لكن ماجيت مع بكره ولا جالك

ساره وانا وانت حلم في داخل زجاجه

اكبر من الواقع والواقع علي بالك

اتخيلك والجمال يصب ثجاجه

من معصرات النسب من جدك وخالك

علي حلاك الحلا ماعاد نحتاجه

لبسك وجسمك مشط شعرك وخلخالك

اربع سنوات اعيش الحب وازعاجه

تايه مشرد حزين من الوله هالك

والقلب من نار قلب اسراه معراجه

يا مالك النار ناري ما لها مالك

ساره ياساره ياقيد العمر وافراجه

ياحالة الاوعي واقوالك وافعالك

جاك القدر والفرح متلبس تاجه

في مملكه مملكتها انتي وانا المالك

وجه الزمن يوم يعقد فلة احجاجه

اسود من النمله اللي ليلها حالك

ساره رحلتي وحزنك قامت امواجه

وانا اتباكا علي ذكراك واطلالك

باقي مكانك ياساره يشعل سراجه

هذي قصاصات من شعرك ومن شالك

ساره بعد ما رحلتي كيف نتواجه

الله يرحمك خليني علي بالك

تحياتي

عاشقة الماضي