ازياء - فساتين سهرة و مكياج و طبخ

توجعني عيوني

في الزوايا

لك بقايا

تسكن إحساسي وعيوني

كانت اوعودك هدايا

حقل أخضر

فرحة تكبر

ورود فل وياسمين

ذبلت اورودي بغيابك

وصرت أغلفها بجنوني

روحي بس تتبع أثرها

وينها منك الهدايا...

ما إجوني

ومن يمر طاريك أتعب

أخاف

يذبحني حنيني

مو على نفسي أخاف

أخاف

بكره لما تسأل

يصحى إحساسك وتزعل

لا طروني

أخاف

من صحوة ضميرك

لما تلقى شخص غيرك

بكل حنانه... يحتويني

أخاف

تتألم عشاني

لما تتذكر حناني

ودمعة لو تجرح عيونك

أخاف

توجعني عيوني

كنت فرحه... في حياتي

في غيابك

صرت أحاتي

وارسل المطراش شوقي

داخلك يزرع حنيني

ليه تبعد

ليه يغريك الغياب

ليه تزرع... داخلي كومة عذاب

ليه تتركني لوحدي

أسئلة... وحشه... وعتاب

بيا تكبر

تهيج أحزاني وشجوني

أخاف

ايديني...

مره تسألني عليك

وما تلم إلا الندامه وي ظنوني

أخاف

في صمتي أموت

لما أغرق في السكوت

لو حروف اسمك تمر

في شفاتي ك الجمر

أخاف

أبكي في غيابك

لما عنك يسألوني

أخاف أقول... إني نسيتك

أو قتلتك داخلي

وما بقى عندك لي

غير ذكرى

ويمر طيفك حسره

أخاف

من سطوة دموعي

من أجاوب... يفضحوني

تصدق إني

لو نسيتك بالكذب

ذكرياتك ما نسوني!

في الزوايا

لك بقايا

كلما حولي أدور والتفت

ألاقي طيفك...

يسكن إحساسي وعيوني...

منتهى القريش

تحياتي