ازياء - فساتين سهرة و مكياج و طبخ - البشر قسمين قسم مستفيق وقسم لاهي

العقوبة والعفو بين الاوامر والنواهي
واتّضاح الدين عثر كل خطوات اشتباهه

والبشر قسمين قسمٍ مستفيق وقسم لاهي
السعيد اللي زخم دنياه ماشد انتباهه

باطن الايام بشع وظاهر الايام زاهي
ينخدع فيها الغشيم ويكتشفها اهل النباهه

ضاقت الاربع اجهات وضاع فالوقت اتجاهي
من عيا والا فكل انسان لله اتجاهه

يالله اني طالبك عطفك ولطفك يا إلاهي
معصيتك اكبر فشل والبعد عن قربك سفاهه

حسبي ان القلب ماهو عن ربوبيتك ساهي
صادق بطاعتك لاستجمام عنك ولانقاهه

في البشر من يخفر الذمة على فنجال شاهي
من غباءه ياخذ الدين وتعاليمه فكاهه

وفي البشر من يعتبر شكله ودينه للتباهي
رك الحق اعتباط وينطق الباطل وجاهه

وفي البشر من لايروز ولاينوز ولايضاهي
عيشة الانعام يخرج من متاهه في متاهه

والسواهي لو بحثناها طلع منها دواهي

واصلة حد الجنون واصله حد الشراهه

اشهد انا لو تتبعنا الاوامر والنواهي
كان يمدينا محينا الرجس عن ثوب النزاهه

الهداية من يد الله ماهي بجهدي وجاهي
يالله اهدينا جميع بحق ابا القاسم وجاهه

ياهني اللي توفى تارك الدنيا كماهي
واصبعه مرفوع والفاظ الشهادة في شفاهه