ازياء - فساتين سهرة و مكياج و طبخ - هذي حياتك وانت حر بحياتك !!!!!!!

- ادب و خواطر (https://fashion.azyya.com/40)

- - هذي حياتك وانت حر بحياتك !!!!!!! (https://fashion.azyya.com/260137.html)

هذي حياتك وانت حر بحياتك !!!!!!!

لحظه قبل لا تطلب البعد وتغيب
وتنهي معايه مرحله من حياتك
أخذ الهدايا والصور والمكاتيب
دامي خسرتك ما أبي ذكرياتك
يمكن يكون فراقنا رأيٍ مصيب
خيره .. كتبها الله جتني وجاتك
مع اني ادري انت ماعنك تجنيب
كنك موصيني وقاضب وصاتك
رح واترك بقلبي لك أربع معازيب
معزتك طاريك حبك غلاتك
وإن شفتني أجمع شتاتي .. ماهو عيب
باكر مع الأيام تجمع شتاتك
وإن شفتني شايل جروحٍ معاطيب
باكر يصير الجرح أبرز صفاتك
أكبر مصيبه في زمان العذاريب
إنّي أحبك وأنت حبك لذاتك
الطيب لو إنك تجازيه بالطيب
ماكان تالي الوقت هذي سواتك
يا صاحبي لا صرت أغلا الأصاحيب
لا تزعل بكيفك وتطلب رضاتك
أنا حبيبك مبعد الشوح مانيب
من ضيّع جهاته .. يدور جهاتك
إن كان ماعديت روس المراقيب
ماني كفو أصلاً أنام في عباتك
شفني مقدر عند عكف الأشانيب
مانيب من تومي عليه بعصاتك
رح للفراق إلي تركنا مصاويب
شمّت اعداتي قبل تشمّت أعداتك
الله معك .. رح وين ماودك تغيب
هذي حياتك .. وأنت حر بحياتك

لشاعر الكبير:
ثامر شبيب

رد: هذي حياتك وانت حر بحياتك !!!!!!!

كلام روعة روعة روعة

يعطيكي العافية

رد: هذي حياتك وانت حر بحياتك !!!!!!!

آبار
دام كلمات روعه وذوق ياذوق
يعطيك العافيه على النقل الرائع
سلمت يمناك ياقمر
انتظر جديدك

رد: هذي حياتك وانت حر بحياتك !!!!!!!

https://www.r-mbd3.com/vb/uploaded/13371_01197199127.gif
لحضوركم جمال ورونق أخآآآذ وجاذبيه لامثيل لها
شآآكرة لكم تواجدكم واطرآآئكم بمتصفحي
فلكم كل تقدير واحترام
دمتم بحفظ الرحمن
https://www.r-mbd3.com/vb/uploaded/13371_11197200135.gif