ازياء - فساتين سهرة و مكياج و طبخ - كبسة المكرونه بالنقانق

يمكن تستغربين وش ابي اوصله من اكله ..
هي كبسه ولا نقانق ولا مكرونه "مدري؟

لكن الي اعرفه هو بانها اكله سريعه لذيذه وبتحبيها ومتاكده مش منقوله لانها اختراع مطبخي
فيوم ملينا الرز واحنا من عشاق المكرونه وماعندي لا لحمه مفرومه ولا دجاج في الثلاجه نقانق
وابيها مزفره ومشبعه فكرت وطلعت بهالمكرونه

في البدايه المقادير

بصله متوسطه
4 فصوص ثوم
صلصه صويا معتدله
م\ص بهار مشكل وشويه ملح
م\صفلفل اسود
حبه ماجي
زيت لتحمير
4 حبات ماجي مثلجه
فلفل رومي او حار زي ماتحبي
عود قرفه .. وليمون اسود .. ورقتين غار
حبتين طماط
م\ك صلصه طماط
ومكرونه

الطريقه

حمسي البصل في الزيت
وبعدها ضيفي النقانق قطعيها حلقات
ضيفي لها الثوم يامبشور ولا مدقوق
الغار والقرفه والفلفل الرومي والليمون وحركي
وبخلاط " الطماط والمعجون والملح والماجي والبهار اخلطي وكبيه في القدر

شويه مويه وخليه يغلي " يعني كاسين تقريبا "

بس تثقل عندك المرقه يعني" تتسبك "ضيفي المكرونه وصلصه الصويا
على نار هاديه لحد ماتنتفخ النقانق وتستوي المكرونه وياحبذا تطفين عليها وهي فيها شويه مويه
افرمي بقدونس ورشيها وبعدها اغرفي

وبكذا كملت والف صحه وعافيه على قلوبكم

ملاحظه "
بما ان النقانق مسلوقه قبل ماتحتاج طبخ تاخذ الاكله هذي معك لتحضيرها ساعه الا ربع بس .
وممكن يضاف لها الخضار مثل البطاطا الزهرة الجزر القوسه الباذنجان البازلاء اي شي برضوا تطلع لذيذه ..