الأشياء اللي تصير في السعودية بس


- دائماً مسرعين وما وراهم شي

- لازم هوشه في أي لعبه جماعية سواء كانت " كيرم " أو " بلوت " مروراً ب " ال أتاري "

- شي لازم يمر بطفولة كل بزر .. "انت مب ولدنا، لاقينك بالشارع"

- ألام السعودية أذا ضاع ولدها تبكي .. وإذا لقته طقته

- لازم تنكسر صينيه ولا كاسة شاي بالبيت إذا فيه ضيوف

- كل الحريم عيالهم ما يأكلون، حتى السمين: مسيكين وليدي مهوب يأكل أبد

- كل الهنود و الاجانب اسمهم محمد

- مايحلى الإنترنت الا وقت الاختبارات والنوم

- الحريم اذا اتصلوا على الرجال اول كلمه تكون : "وينك؟" والرد دايم : "قريب"

- أي طالب سعودي "ما يداوم أول يوم بعد أي إجازة" أو "أخر يوم قبل الإجازة" ما تفرق إجازة الصيف ولا إجازة خمس أيام غايب

- في كل بيت لازم مجلس للحريم ومجلس للرجال ويشوهون مخط البيت ومع كذا ما يجيهم احد

- أم توصي عيالها : "إذا سألوكم أي شيء قولوا : ما أدري"

- الطلاب ما يذاكرون للاختبار إلا ليلة الاختبار وينجحون بامتياز”هذا الشي حير علماء العالم

- الأم تعاتب ولدها : "حرام عليك ليش طقيت أخوك الصغير وبكيته ؟؟" ... الولد : "هو اللي بادي"

- الولد مع أهله ما يدفع ريال ومع أصحابه يحلف عليهم ما تدفع ريال

- فشلتونا: كلمة يقولها الولد لأهله إذا جاء يمشيهم

- الدولاب فيه مليون لبس وإذا جت عزيمة "ما عندي شيء البسه, ياربي وش اللبس, بروح السوق أدور أخاف ما القى, ياربي ليتهم ماعزمونا
- الكبار يمسكون البزر ويحجرونه : "من تحب أكثر أمك ولا أبوك؟ "

- يوم الجمعة : يوم السمك العالمي

- ما يعرفون يطلبون بالكوفي إلا : "كبتشينو" وبعد إدمان للكافيهت .. صار يعرف : موكا

- يستخدمون كأسات الجبنه للشرب (ماء أو شاي)

- لازم ما تقول انك بخير ومبسوط .. ضروري ضروري تكون تعبان ومهموم ومديون او ماتكون انسان

- آكل ال " آيس كريم " بشويش علشان اخوي يخلص حقه قبلي واقهره

- في عز الفرحة: "مناسبة سعيدة، عيد، سفر،مجتمعين على الغداء ..الخ"، تلقى الأم تهاوش بناتها والولد يضرب أخواته

- سوالف البنات بعد الزواجات: أنا اكشخ وحده, وأنا أحلى وحده, ويوم مريت كلهم ناظروني, حركات الشعور بالنقص ودك تلفعينها وهي تسولف

- انخطبتي؟ اص لا تعلمين احد !! نجحت بممتاز؟ اص لا يدرون عنك! وكله عشان لا يطقونها عين

- لا تسلمين خليها هي تسلم .. ويخلص العرس وماسلموا على بعض

- إذا عرفوا إن الولد يحب أخته المولودة ولا يغار، يقولون له بنأخذ اختك، يالله هاتوا ملابسها

- إذا بتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم كن ماتزوج ولا حمل ولا ولد ولا سافر ولا مرض غيرها

- سلام الجدات:هلا وشلونكم وشخباركم وعساكم بخير وشلون عيالكم وشلونكم وشلون شايبكم وشلونكم وشخباركم وعساكم طيبين وشخباركم وكل ذا في 30 ثانيه

- عند كل سوق لازم تلقى مجموعه شباب يبون يدخلون وهم يدرون أنه عوائل

- سعودي يسأل عامل اجنبي ... أنت مسلم؟ مين كفيل؟ وين شغل؟ كم راتب؟ امم ايش اسم أنت يا محمد

- الأم كل ما شافت عيالها عند اللاب توب او معاهم البلاك بيري او الايفون: تدعي ع اللي صنعهم

- حالة طوارئ يوميا الساعة السابعة صباحا

- أمك وأبوك من عرفتهم وهم الأوائل في كل دراستهم وأنت اللي ما طلعت عليهم

- رمضان حزة أذان المغرب: أذًّن؟ لا ما أذن؟ إلا كني سمعته! اطلع شف أذن ولا لا؟ اسئلو بالبيري أذن؟ طيب حطو القناة الأولى نشوف

- إذا خلصت بطارية الريموت ، يجلس يعضه ويعضه ويركبه ويشتغل الريموت ويحس انه سوا انجاز

- الرجل السعودي : يلا أنا عند الباب اطلعي وهو باقي له ربع ساعة ويوصل البيت ( وبالموت تطلع بعد)

- مواصفات زوجة المستقبل عند أي سعودي .. طويلة وبيضا وشعرها طويل ..

- كل الطلاب اللي درجاتهم ضعيفة ..بينهم عذر مشترك ..وهو أن المدرس حاقد عليهم

- الأم : يا وليدي ارجع للبيت بسرعة بس ( لا تسرع ) !!

- عندك واسطة ! تدخل جامعه، مستشفى حكومي، وزارات ! ما عندك شي ؟ أجل اقعد في بيتكم

- يمر لمحل وجبات سريعة .. والطلب: همبرجر تريبل .. اكسترا شيز .. مايونيز , وعشان الرجيم : البسي دايت

- إذا معانا مشروب غازي ونشب فينا بزر نقول: " هذا دوا يابابا دوا "

- تلاقي المتسوق عند الكاشير يحتج ويشتم فيهم لأن الأسعار عالية، و بالأخير يطلع الفلوس من جيبه ويعطيها للكاشير

- مستحيل تأخذ سندويتش للمدرسة عشان ما يقولون عنك مصري

- أكبر بنت ولد على اسم الجد والجدة , بنتهم الكبيرة لطيفة والثانية ميار

- نتواعد نطلع 6 وتصير الساعة 8 ولسى ما طلعنا

- إذا بيقومون شخص من النوم، يطفون المكيف، يفتحون اللمبات يشيلون الفراش, وأحياناً يرشون الوجه بالماء (في الشتاء مويه باردة)

- عندهم مشكلة مع الجنسيات الأخرى ! يحسون أنفسهم أحسن ناس محد قدهم ! وباقي الشعوب زبالة

- الصغار ما يحبون يسلمون على الضيوف إلا بالقوة .. وبالعيد ما يخلون احد ما يسلمون عليه عشان العيديه

- الأم تدلع ولدها والبنت ملعون خيرها

- إذا مريت عند ناس وهم واقفين ولا سلمت قالوا شايف نفسه وإذا سلمت قالوا يبي يتعرف

- إذا كنتوا جالسين وطلع واحد، حشيتوا فيه واللي يخاف ان يحش فيه ما يطلع إلا آخر واحد

- الطفل السعودي يكلم طفل ثاني: أبوي أقوى من أبوك, سيارة أبوي أحسن من سيارتكم, وريني عضلاتك - عضلاتي أكبر من عضلاتك ...... الخ
- الطفل السعودي إذا كان بالشارع ومرت سيارة، يشوت نعلته علشان تدعسها السيارة

- العائلة السعودية إذا راحوا لمكة لازم يسكنون بنفس الشقة حقت العام وإلا ما كأنهم راحوا لمكة

إذا كنت تحس إن كل اللي انكتب هنا يصير بحياتك فمبروك: أنت سعودي