ازياء - فساتين سهرة و مكياج و طبخ - صدور الدجاج بصوص البيستو

بسم الله
المكونات 1/2 كيلو صدور فراخ متقطعه اتخن شويه من البانيه
ملح فلفل زعتر ليمون 3 فصوص توم مهروسين معله كبيره زيت زيتون صلصة بيستو
الطريقه :
نتبل الفراخ بالملح والفلفل والزعتر والليمون ونسيبهم فى التلاجه من بليل
نسخن الطاسه ونشوح فيها التوم وبعدين نحط الفراخ واحده واحده والنار لازم تبقى عاليه علشان الفراخ مش تنزل ميه واول ما تاخد لون خفيف نحطها فى صينيه بايركس ونحط عليها صوص البيستو و نغطيها بالورق الفويل تقريبا نص ساعه ونشيل الغطا ونحط الجبنه الموتزارلا وبالهنا والشفا

طبعا هيه المفروض بالجبنه البرميزان ودى مش متوفره عندى وغاليه جد
ثانيا صوص البيستو موجود فى السوبر ماركت
طريقة صوص البيستو فى البيت طبعا بيطلع احلى كتير وممكن تحطيه فى الفريزر فى برطمان وبيقعد بالسنه

المكونات :
اوراق ريحان - جبنه برميزان --توم مشوى -زيت زيتون -صنوبر محمص
نقطع اوراق الريحان تقريبا كوبيتين انا باخد بالبركه
1/2 كوب جبنه بارميزان مبشوره وممكن ريكوتا
نشوى فصوص التوم فى الفرن
ونحمص 1/2 كوب صنوبر
فى البروسيسور او الخلاط
نحط المكونات ونزل بالزيت بطئ شديد تقريبا 1/2 كوب زيت زيتون بكر
لحد ما تتمزج المكونات ونحطها فى برطمان نظيف وفى الفريزر وتبقى جاهزه للأستعمال على حاجات كتير الفراخ - المكرونه - البيتزا - السلاطه