ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   حلويات و مشروبات (https://fashion.azyya.com/38)
-   -   كفته بانيه (https://fashion.azyya.com/271289.html)

ღ<نـدى الـعــمـر>ღ 07-30-2011 11:58 PM

كفته بانيه
 
بسم الله ....
المقادير : 1/2 كيلو لحمه مفرومه ناعم- بصله متوسطه -2 فص ثوم - بقدونس وشبت تأخذ الأوراق فقط -ملح -فلفل - جوزة الطيب -نصف معلقة قرفه صغيره -نصف معلقه كسبره ناشفه -بهارات لحمه -بيضه -معلقتين بقسماط ناعم
الطريقه : نبشر البصله ناعم اوى ونهرس التوم كويس ونقطع البقدونس والشبت ناعم ومن غير العيدان ونحط جميع المكونات على اللحمه ونعجن كويس لحد مانحس ان اللحمه بقت زى العجين ونسيبها شويه طبعا هتقولوا ليه علشان اللحمه تشرب من الحاجه يعنى تقريبا 1/2 ساعه اللى جاى ده مهم ركزوا
*اولا نشكل اللحمه يا اما دواير ونعمل حسابنا ان اللحمه بتكش شويه
*او نشكلها صوابع وبعدين نبطتها شويه
*التسويه نرص الكفته فى صينيه تيفال ونسيبها تنزل الميه وتشربها بس يا جماعه اوعى تخلو الكفته كتير على النار علشان مش تنشف وممكن تسويها على البخار لو مش هتعرفى تظبطى موضوع الصينيه ده
نسيب الكفته تبرد تماما ونجهز بعد كده بيض وبقسماط نحط الكفته فى البيض وبعدين البقسماط وفى زيت غزير وساخن جدا جدا نضع الكفته يا دوب تلون وتطلعيها على مناديل المطبخ علشان الزيت طبعا مش هتقعد فى الزيت لأنها مستويه من قبل وبالهنا والشفا


ملحوظه للناس اللى الكفته مش بتظبط معاهم
اولا : لازم تجيبى نوع لحمه كويس ويكون فى نسبة دهن بس مش كتير
ثانيا : البصل يبشر جيدا علشان الكفته مش تفك منك وعلى فكره مش البصل اللى بيخلى الكفته حلوه المهم التبيله ونوع اللحمه زى ما قلت قبل كده
ثالثا : وده الأهم التسويه نخلى بالنا ان الكفته مش بتاخد وقت فى السوا يعنى مش تحطيها فى الفرن لحد ما تنشف ولما تطلع تغطيها بورق الفويل


الساعة الآن توقيت السعودية الرياض و الدمام و القصيم و جدة 12:25 PM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0