البتي فور الناعم
 

بسم الله ... دى طريقة البيتى الفور الناعم وان شاء الله تعجبكم
المقادير : 3 كوب دقيق . 1 كوب زبده ويفضل تكون ساقعه .1/2كوب سكر بوده وياريت تنخلوه كمان .صفار بيضه وبيضه كامله فانيليا و1/4 معلقة شاى بيكنج بودر
الطريقه : تضرب الزبده مه السكر حتى يصبح الخليط كريمى ويضاف الصفار ثم البيضه الكامله وطبعا الفانيليا ويضرب حتى يختفى البيض ... نضيف الدقيق وعليه البيكنج بودر وذرة ملح ... ونعجن حتى يتكون عندنا عجينه ملساء وطبعا نضيف الدقيق بالتدريج علشان ممكن تاخد اقل او ازيد حاجه بسيطه ونسيب العجينه تستريح فى التلاجه تقريبا 1/2ساعه ساعه بالكتير ويتم تشكيل العجين حسب الرغبه
*ملحوظه لو زاد البيكنج بودر البيتى فور هينفش
*عند الرغبه فى عمل جزء بالكاكاو تقسم العجينه قسمين ويوضع على قسم 2 معلقة كاكاو يفضل من غير سكر ومعلقتين لبن
* لو السكر زاد البيتى بيفور هيبقى مقرمش ومش هيدى النتيجه المظبوطه
* التسويه البيتى فور حساس بمعنى ان الفرن يكون مظبوط على درجه متوسطه وطبعا كل واحده عارفه الفرن بتاعها وخلى بالك البيتى فور يدوب بيلون من تحت وتشليه .... وبالهنا والشفا