موس الشيكولاتة
 

** موس الشيكولاته (( من اجندتى )) :
ربع كيلو شوكولاته خام ( 250 جرام )
نصف كوب زبد
150 جرام كريم شانتى بودر يعنى مايعادل 4 اظرف من الكبير
من نصف الى 3/4 كوب لبن
...معلقة كبيرة نشا مذابة فى ربع كوب ماء
معلقة كبيرة جيلاتين مذابة فى ماء ساخن وترك جانبا
3 ملاعق كاكاو كبار وممكن نستغنى عنهم ونكتفى بالشيكولاته

-- الطريقة :
نسيح الشيكولاته والزبدة على نار هادية
نضيف السكر واللبن والكاكاو ونقلب لحد ماتمتزج المكونات
نضيف النشا المذاب ونقلب لحد مالقوام يبقى غليظ شبه الكريمة
نضيف الجيلاتين المذاب فى الماء ونرفع الخليط من على النار ونسيبه يبرد تماما على جنب

نخفق الكريم شانتى بلبن ساقع حوالى ربع كوب لحد ماياخد القوام الكريمى الكثيف وبعدين نحطه فى التلاجة على ماخليط الشيكولاته الاولانى ده يكون برد تماما

وبعدين نضيف الكريم شانتى المخفوق لخليط الشيكولاته ونخفقهم بالمضرب الكهربائى وبس ,,
بعد كده ممكن نحطه فى كاسات ويكون جاهز للاكل طعمه رائع زى الدانيت
او نغطى بيه الكيك ويكون كيك موس شوكولاته
او نحشى بيه التورت بس بيكون حشو غنى جدا ومميز ..

رد: موس الشيكولاتة
 

يسلمو على الابداع
وصفة جميلة
ابداع متجدد
تقبلي مروري وردي