تشيز كيك بالتوفي
 

الطبقه الأولى : كوب ونص بسكويت دايجستف تقريبا باكو وشويه وزن 250 جرام
50 جرام زبده
الطبقه التانيه :2 عبوة جبنه كيرى الجره انا مش عندى فلادلفيا بس كيرى نفس الطعم
1/3 كوب ساور كريم - 1/4 كوب كريمه
3 بيضات - فانيليا -بشر ليمون
1/4 كوب سكر طبعا السكر قليل لأن التوفى مسكر وكمان صوص الشيكولاته كل ده بيدى طعم مسكر
علبة حليب مكثف محلى - صوص شيكولاته بطعم البندق

الطريقه : يطحن البسكويت وتضاف اليه الزبده سايحه مش سخنه
ويوضع فى صينية التشيز كيك ويساوى وتوضع فى الفرن تقريبا عشر دقائق
وترك لتبرد
نضرب الجبنه حتى تصبح كريمى ويضاف السكر والبيض واحده واحده ثم الفانيليا وبشر الليمون واخيرا الساور والكريمه ودول فى الأخر علشان لو ضربتهم كتير بغير من خواصهم
نصب المزيج على البسكويت ويوضع فى صينيه فيها ماء ساخن وعلى الفرن على طول
زى ما بنسوى الكريم كراميل
تقريبا 1/2 ساعه وتشوفى السوا بسكينه رفيعه او خلة أسنان ونخلى بالنا هيه مش بتبقى جامده اوى وبعدين تطفى وتسيبيها تستهدى
نكون مجهزين التوفى نجيب علية لبن مكثف محلى ونشيل الورقه اللى عليها ونحطها فى حله فيها ميه بتغلى ونسيبها تقريبا ساعتين ونص
وكل ما الميه تنقص زودى
ولما تفتحى العلبه هتلاقى احلى توفى ممكن تاكليه تضربيه بالشوكه او مضرب سلك وتنزلى بيه على التشيز كيك وتفرديه وتحطى صوص شيكولاته
توضع فى التلاجه وبالهنا والشفا

رد: تشيز كيك بالتوفي
 

مشكوره غلاتي

رد: تشيز كيك بالتوفي
 

شكرا لك
ابداع متواصل
تقبلي مروري وردي