خبز الكيزر
 

بسم الله ...لعجن
المقادير :
3 كوب دقيق
3 ملاعق كبيره زيت
خميره فى حجم عين الجمل
ملعقه صغيره ملح وملعقه صغيره سكر
محسن خبز ملعقه كبيره لبن بودره
ماء دافئ للعجن
الطريقه
تذاب الخميره فى السكر وشوية ميه دافيه
وينخل الدقيق وتوضع المواد الجافه
وبعد ما الخميره تنفش نعمل حفره ف وسط الدقيق ونصب الزيت ونبسه مع الدقيق ونحط الخميره
ونعجن ونبتدى نضيف الميه الدافيه شويه شويه لحد ما العجينه تنضف الطبق يعنى مش تلزق فيه
نيجى للخطوه المهمه
هههههههههههه اللت والعجن بمعنى نعجن كويس ونلت العجين يمين شمال لحد ما تحسى ان العجينه اتخدمت
وتحطيها بعد كده فى طبق مرشوش بالدقيق وتغطيها وتسيبها 2 ساعه وندهن وش العجينه بشوية زيت صغنين
نيجى للتشكيل تعملى العجينه كوره وبعدين تقسمى الكوره اربع وبعدين تقسمى الأربع تربع تانى وتكورى كل ربع ترشى الوجه بالماء وتضيفى السمسم
وتحطيهم فى الصينيه مدهونه زيت ورق زبده وتسيبهم يخمروا تانى
التسويه :
نشغل الفرن على درجة حراره ونحط الصينيه فى الرف الوسط
220
ونخلى بالنا تقريبا بتاخد من ربع الى تلت ساعه بالكتير بس خلى بالك وبصى عليها بعد ربع ساعه
واول ما تطله هاتى فوطه مبلوله ومعصوره كويس وتحطيها على الصينيه
بعدين لما العيش يستهدى وتحسى ان الوش طرى شيلى الفوطه المبلوله وحطى فوطه ناشفه لحد ما العيش يبرد وبعدين حطيه فى كيس واقفلى عادى زى العيش بتاع الفرن
اوعى تحطى العيش وهوه سخن فى الكيس لأنه هيتعجن
وبالهنا والشفا
* ملحوظه محسن الخبز مهم لأنه بيدى نتيجة الجاهز

رد: خبز الكيزر
 

شكرا لك
ابداع متواصل
تقبلي مروري وردي