ازياء - فساتين سهرة و مكياج و طبخ

الأرز المعمر:
بسم الله ....
المقادير : كوب ارز مغسول ومنقوع وتقريبا كيلو الا ربع لبن ومعلقتين سمنه كبيره وجوزهند وزبيب وقشطه وفانيليا
الطريقه : يغسل الأرز جيدا وينقع فى الماء تقريبا نص ساعه وبعدين تحطيه فى مصفاه وتغسلى لحد ما تبيقى الميه اللى نازله مش فيها لون ابيض
وتيجى فى حله او طاسه كبيره وتحطى الرز والسمنه والزبيب وجوز الهند وتقلبى كويس لحد ما تحسى ان الأرز فلفل فى نفس الوقت يكون اللبن سخن جدا وحاطه عليه السكر وطبعا انا مش قولت على الكميه لأن ده حسب رغبتك وحاطه عليه الفانيليا ... فى ناس بتحط ماء زهر او ورد بس انا بفضل الفانيليا
نجيب الطاجن وندهنه سمنه ونحط الأرز وعليه اللبن المغلى وحتة قشطه على الوش ملحوظه مش تقلبى الأرز بعد وضع اللبن عليه وتكونى مسخنه الفرن على درجة حراره متوسطه وتحطى الطاجن لحد ما الوش يتحمر ويشرب اللبن
*ملحوظه مش تملى الطاجن على الأخر علشان مش يفور فى الفرن
والأضمن انك تحطى الطاحن فى صينيه ... وبالهنا والشفا بجد روعه